|
Kubernetes conta con unha morea de casos de éxito, na páxina web do propio proxecto contan con un apartado sobre eles. O caso que nos ocupa neste boletín trátase da cidade de Montreal. Na administración da cidade quebequesa contaban con un parque informático grande e moi heteroxéneo con numerosas pezas vellas onde se fixo imprescindible optar pola virtualización da man de contedores empregando Docker.
Enseguida se fixo necesario algún sistema de orquestración e o escollido foi Kubernetes. O resultado despois do tempo de transición foi un cambio moi grande á hora de realizar calquera despregue, cando antes tardaban meses agora redúcese a unhas horas. O uso de Kubernetes non só axudou a ter uns funcionamento máis rápido, senón que diminuíu tanto a complexidade coma o número de hardware empregado nos sistemas de información da cidade.
|
|
Kubernetes é unha plataforma libre de orquestración, automatización de despregue de servizos informáticos e xestión de contedores. Foi inicialmente desenvolvida por Google no 2014 e actualmente está xestionada pola Cloud Native Computing Foundation. Está programado fundamentalmente na linguaxe Go e licenciado baixo Apache 2.0.
Mediante Kubernetes pódese proporcionar un servizo de descubrimento, balanceador de carga, orquestración de almacenamento, automatización de creación, destrución e reinicio de contedores, así como a xestión da configuración e información confidencial dun xeito seguro.
|
