|
Mattermost conta con numerosos casos de éxito de diversos sectores aínda que nos que máis incidencia ten é no sector das tecnoloxías TIC.
O caso de éxito que nos ocupa neste boletín é o do CERN (Centro Europeo para a Investigación Nuclear), que para todas aquelas persoas que teñan credenciais de acceso ao seus sistemas poden desfrutar do servizo de Mattermost para mellorar a produtividade dos equipos de persoas e que o CERN ten despregado na súa infraestrutura contando tamén, ao igual que para o resto de sistemas, con guías de uso para os seus usuarios.
|
|
Mattermost é un conxunto de ferramentas de colaboración que ten como epicentro un servizo de mensaxería instantánea, dende o cal se pode acceder ao resto de funcionalidades. Mattermost posúe unha API mediante a cal se poden desenvolver integracións con outros sistemas ou servizos como poden ser IRC, WordPress, Jenkins, Nagios, Git...
Mattermost tamén se acostuma presentar como a alternativa libre a Slack e de feito supera a esta en varios aspectos como pode ser no relativo á seguridade e privacidade, pois Slack só é un servizo mentres que Mattermost, aínda que tamén se pode empregar como servizo na nube, permíteche instalar o software en infraestrutura propia.
|
