Novas

Publicouse un novo artigo tecnolóxico sobre organización e xestión de proxectos.

A Amtega está a desenvolver o Plan de Software Libre 2018 con 110 actuacións para empresas, a cidadanía e a administración.

Chega a versión estable 1.0 de Flatpak, un novo xeito de instalar aplicacións en GNU/Linux.

No CDTIC están a organizar diversas actividades relacionadas con tecnoloxías libres. Dende sesións demostradoras sobre Joomla, sobre o software de monitorización Zabbix e sobre o software de xestión Odoo ata un obradoiro sobre datos libres.

A asociación Galpon organiza dúas sesións de obradoiros sobre mapas libres.

A asociación GPUL acolle en setembro a conferencia XDC e para ir abrindo boca a este evento comeza os GPUL Labs deste curso cunha charla sobre Mesa.


Proxecto destacado

Taiga é unha plataforma de xestión de proxectos deseñada para os proxectos de software, pero tamén se pode utilizarse noutros ámbitos. Nas metodoloxías de traballo onde destaca Taiga é nas áxiles, nomeadamente Kanban e Scrum.

Taiga trátase dunha aplicación web que se pode empregar tanto nun servizo na nube de terceiros, incluído o fornecido por Taiga, coma nunha instalación en infraestrutura propia. Esta ferramenta conta coa posibilidade de integración con múltiplas plataformas como poden ser Trello, Jira, Asana ou Github.

Pin It on Pinterest

Share This