Novas
LibreOffice segue a consolidarse como unha solución de ofimática profesional completa. A súa nova versión 5.4 xa está dispoñible con varias novidades e moitas melloras.
As plataformas de Goberno Aberto son cada vez máis habituais nas diferentes administracións públicas, o que abre novos nichos e oportunidades para as empresas que queiran dar soporte a estas. Este mes publicamos en Mancomún un artigo no que falamos deste tipo de plataformas e comentamos as principais en Software Libre.
O vindeiro mes de Outubro celebraráse en Santiago de Compostela unha nova edición da LibreCon, un evento de referencia que xunta a todo o sector do software libre en España e no que participan expertos de todo o mundo. Está aberto xa o Call for Papers, polo que se a súa empresa ten interese en participar pode enviar xa a súa proposta.
Proxecto destacado
Odoo é un sistema de ERP (Entreprise Resource Planning nas súas siglas en Inglés) de código aberto. Destaca por ser un ERP moi sinxelo pero tamén moi potente e altamente personalizable e adaptable grazas á grande cantidade de módulos dispoñibles, que poden ser integrados como plugins. Grazas a estes módulos pode ser fácilmente personalizado e adaptado as necesidades de xestión de calquera empresa.
Está dispoñible para ser instalada nun servidor propio, presentando unha arquitectura cliente-servidor, ou dende a versión 6.0, a empresa que se encarga do seu desenvolvemento, OpenERP S.A. ofréceo tamén como servizo na nube.
Algúns dos módulos máis destacables que trae por defecto son:
- Xestión de compravenda
- Xestión de proxectos
- Xestión de almacéns e inventario
- Contabilidade analítica e financeira
- Xestión de recursos humanos
- Campañas de mercadotecnia
