NextCloud é un dos sistemas de nube privada máis populares. Mediante NextCloud podemos crear un servizo de almacenamento e compartición segura de ficheiros na nube. NextCloud naceu dunha escisión de OwnCloud e é un fork desta, polo que moitas das súas funcionalidades son similares e ambas son alternativas libres a servizos como Dropbox, Google Drive ou OneDrive incorporando ademais algunhas outras funcionalidades a maiores e por suposto coa vantaxe de ser libres.

As funcionalidades principais de NextCloud son:

  • Almacenamento e compartición de ficheiros entre varios dispositivos e usuarios
  • Autenticación de dous factores mediante SMS, Signal ou Telegram
  • Capacidade de cumprir coa lexislación sobre a privacidade como GDPR
  • Chamadas de audio e vídeo individual e en grupo con posibilidade de integración con telefonía IP
  • Ferramenta de chat
  • Múltiplos calendarios web que se poden compartir
  • Axenda de contactos con sincronización multidispositivo e con compartición
  • Integración con Collabora online e Onlyoffice
  • Cliente web de correo electrónico con soporte de cifrado OpenPGP

Pin It on Pinterest

Share This