BigBlueButton, é un sistema de conferencias web que proporciona unha solución de conferencias, está especialmente deseñada para o mundo da aprendizaxe en liña, pero serve para calquera tipo de conferencia.

A aplicación está liberada baixo os termos da LGPL-3.0 e está desenvolvida principalmente con JavaScript, Java e Scala cumprindo cos estándares HTML5 e WebRTC. A solución é unha aplicación web que se pode instalar en infraestrutura propia ou tamén se pode utilizar un servizo ofrecido por terceiros. Por parte do usuario, o único necesario para empregar a aplicación é ter un navegador moderno e conectarse ao enderezo onde se atope aloxada a aplicación.

A solución vai máis alén dunha simple conferencia e ten unha serie de ferramentas que amplían as funcionalidades da mesma. Algunhas destas características adicionais son:

  • Ferramenta de enquisas para realizar votacións durante conferencias.
  • Chat para a comunicación por escrito aos integrantes dunha conferencia, a comunicación pode ser tanto de forma grupal e pública como de xeito privado.
  • Compartir imaxes, diapositivas, vídeos…
  • Sobre as  presentacións e imaxes pódese sinalar, pintar, escribir e destacar partes, accións que tamén se poden utilizar a modo de encerado virtual.
  • Gravar da conferencia para a súa posterior publicación.
  • Integracións varias con solucións como Moodle, Sakai, Drupal, Chamilo, Redmine, WordPress…

Pin It on Pinterest

Share This

Axúdasnos a mellorar?

Queremos saber que opinas deste espazo para facer do portal un lugar máis accesible. Só che levará 2 minutos completar a enquisa e para nós será de gran utilidade. Moitas grazas!

Tal vez mañá Ir á enquisa×