Novo meetup do grupo VigoJUG, o 27 de novembro de 19:00 a 20:00 en Jukebox Vigo (rúa E.Heraclio Botana, 4 – Vigo).
Terá lugar unha charla introdutoria a Apache Kafka, da man de Diego Fernández López, enxeñeiro en telecomunicacións e con máis de 12 anos de experiencia e metido de cheo en proxectos Java baseados no framework Spring.
Apache Kafka é un proxecto de código aberto desenvolto por LinkedIn e doado ao Apache Software Foundation, escrito en Java e Scala. O proxecto ten como obxectivo proporcionar unha plataforma unificada, de alto rendemento e de baixa latencia para a manipulación en tempo real de fontes de datos.
A duración estimada da charla é de 60 minutos, ademais das preguntas e o concurso Kahoot no que o premio será unha licenza de Jetbrains.
Ao rematar, a reunión levarase a algún local da zona para tomar algún refresco (patrocinados por Optare Solutions) e poder coñecerse mellor a xente entre ela.
VigoJUG
Vigo JVM User Group (ou VigoJUG) é unha comunidade técnica nacida en Vigo co propósito de xuntar a profesionais e aficionados dispostos a compartir experiencias, aprender e divertirse cas linguaxes que se executan na JVM (Java, Groovy, Scala, Kotlin, etc.).
Principalmente as reunións e eventos van dirixidas a programadores, pero non se descartan outro tipo de temáticas, por exemplo de sistemas ou incluso de xestión de proxectos (sempre relacionados ca JVM, iso si).
Inscrición
O rexistro farase a través da páxina do Meetup.