A VI Xornada de Usuarios de R en Galicia terá lugar na Aula Magna da Facultade de Matemáticas da Universidade de Santiago de Compostela, o 10 de outubro de 2019.

A xornada incluirá relatorios e talleres co obxectivo de promover o coñecemento da linguaxe estatística R e as súas aplicacións, así como proporcionar un punto de encontro para todas aquelas persoas interesadas en intercambiar as súas experiencias e atopar colaboracións do resto da comunidade.


A xornada retransmitirase en directo a través desta páxina web, e subiranse os vídeos á canle de YouTube da xornada.

Linguaxe R

R é unha contorna e linguaxe de programación cun enfoque á análise estatística.

Trátase dunha das linguaxes de programación máis utilizados en investigación científica, sendo ademais moi popular nos campos de aprendizaxe de máquinas, minería de datos, investigación biomédica, bioinformática e matemáticas financeiras. A isto contribúe a posibilidade de cargar diferentes bibliotecas ou paquetes con funcionalidades de cálculo e representación gráfica.


R é parte do sistema GNU e distribúese baixo licénciaa GNU GPL. Está dispoñible para os sistemas operativos Windows, Macintosh, Unix e GNU/Linux.

Localización

Ver o mapa máis grande

Programa

Na xornada terán lugar 16 relatorios relacionados con R durante todo o día, e ao rematar os relatorios terán lugar 3 obradoiros en paralelo, en horario de 17.40 a 19.40.
Talleres:
– Taller introdutorio ao software R
– Visualización de datos espaciais con R
– Multivariate and Functional Data Classication in R

Podedes acceder ao programa completo nesta web.

Inscrición

A inscrición é de balde, e de libre acceso. Podedes facer a inscrición a través deste formulario web.

Organizan

Organizada pola Oficina de Software Libre do CIXUG.
Esta iniciativa enmárcase no convenio de colaboración asinado entre a Amtega e o CIXUG para a realización de actividades de fomento do software libre en Galicia.

Colaboran

Asociación Melisa, Facultade de Matemáticas da USC

Patrocina

AMTEGA (Xunta de Galicia)

Máis información

Pin It on Pinterest

Share This