O Centro de Novas Tecnoloxías de Galicia, tamén coñecido polas súas siglas CNTG é un espazo de xestionado pola Xunta de Galicia que ten como obxectivo principal formar en novas tecnoloxías a profesionais do sector das TIC en Galicia, para o cal desenvolven diversos tipos de actividades entre as que están os cursos formativos, xornadas, etc…
Os cursos formativos deste período (curso 2018/2019) irán publicándoos na táboa desta páxina web. Dentro dos cursos ofertados para este período teñen lugar proximamente tres, ambos con posibilidade de obtención de certificado, sobre tecnoloxías libres:
- Administración avanzada do S.O. Red Hat Linux vRHEL7 (quenda de tarde): De luns a venres de 16:30 a 20:30 dende o 22 de maio ata o 20 de xuño.
- Administración avanzada do S.O. Red Hat Linux vRHEL7 (quenda de mañá): De luns a venres de 09:30 a 13:45 dende o 4 ao 28 de xuño.
- Administración de sistemas operativos Linux (LPIC 1): De luns a venres de 09:30 a 13:30 dende o 3 ao 28 de xuño.
Hoxe, día 6 de maio é o último día para inscribirse nestes tres cursos, polo que compre apurarse a realizar a inscrición mediante o portal da CNTG.