A versión número 3.33 é a nova versión deste sistema xestor de bases de datos lixeiro chamado SQLite e cuxo código fonte é de dominio público. Este software destaca porque nel toda a base de datos pode ser almacenada nun único ficheiro e porque está deseñado como biblioteca que se pode integrar en calquera tipo de proxecto de software.
A nova versión conta con algunhas novidades como o soporte da instrución “UPDATE FROM” seguindo a sintaxe de PostgreSQL ou o aumento do tamaño máximo dos ficheiros da base de datos ata 281 TB, así mesmo a ferramenta de terminal engade 4 novos modos para a mostra de información (“box”, “json”, “markdown” e “table”).
