Dende Ubuntizando lémbranos que o vindeiro Sábado dia 16 de Setembro temos unha cita para celebrar e enxalzar as bondades do Software Libre.

O Freedom Software Day é unha celebración open source de carácter global que data do 2004. Dende entón foi crecendo en popularidade gañando e participación ano a ano ao longo do mundo. O seu principal obxectivo nesta celebración é educar ao público en todo o mundo sobre os beneficios de utilizar software libre de alta calidade en educación, goberno, casa e empresa.

O obxectivos primordiais de este evento son os de celebrar a liberdade do software, fomentar unha comprensión xeral do que significa a liberdade para o software, fomentar a adopción de Software Libre e os estándares abertos e crear un acceso máis equitativo ás oportunidades mediante o uso de tecnoloxías participativas.

Un dato para os fans das curiosidades é que este día de celebración non ten unha data fixa no calendario. Os organizadores do evento no ano 2006 tomaron a decisión de que o Software Freedom Day tería lugar o terceiro sábado de cada mes de setembro variando así o día exacto da celebración pero garantindo que a súa celebración sempre cae en fin de semana.

No wiki da páxina do evento tes un listado dos lugares máis próximos onde se organizará unha das celebracións físicas ao longo do mundo. Polo momento non hay anuncio de que exista algunha celebración local aquí en Galicia mais en España atopamos cinco cidades nas que se organizarán actividades relacionadas con este dia de celebración. Pode ser unha escusa, tan boa, como outra para facer algo de turismo en prol da liberdade do Software.

Pin It on Pinterest

Share This