Sesión demostradora presencial na Aula CeMIT de Ourense (La Molinera, Rúa do Abrevadeiro 1, 32002 Ourense) sobre a solución ERP libre Odoo que terá lugar o 4 de marzo de 16:30 a 18:30.
A sesión demostradora está organizada por Amtega coa colaboración da empresa Anubía soluciones en la nube (consultora especialista e partner de Odoo).
Odoo ERP
Odoo ERP é un sistema de software libre, multiplataforma e de fácil manexo.
Posúe unha importante comunidade de desenvolvedores, con máis de 2000 módulos liberados dispoñibles que poden combinarse entre si.
Funcionalidades destacadas de Odoo
– Capacidade de engadir clientes á nosa lista, produtos ao noso catálogo e mesmo xerar asentos contables
– Realización de cálculos automáticos de prezos e custos de venda
– Xerar orzamentos que se poden converter en pedidos, albarás e facturas
– Completamente accesible dende calquera dispositivo que teña un navegador web
– Amplo catálogo de plugins e unha activa comunidade de colaboradores
A quen está dirixido?
A empresas de distribución, tanto en venta por xunto como polo miúdo, de calquera tamaño ou sector que estea interesada en xestionar a facturación, a contabilidade e a loxística desde un ERP, mellorar o tratamento dos datos xerados ao longo da súa actividade loxística e empresarial para mellorar a xestión diaria e toma de decisións ou en contratar a implantación do ERP (Odoo).
Odoo está dispoñibles no CDTIC Virtual para poder ser probado. O CDTIC Virtual, posto en marcha polo Centro Demostrador TIC, constitúe un servizo no que empresas, organizacións e persoas usuarias poden probar e avaliar distintas aplicacións en software libre a través dun servizo na nube nun contorno privado, sen necesidade de dispoñer de recursos informáticos propios ou de persoal con coñecementos avanzados de sistemas.
As persoas interesadas en solicitar a avaliación dunha das aplicacións dispoñibles non teñen máis que rexistrarse como empresas e profesionais na web do CDTIC e posteriormente solicitar a aplicación ou as aplicacións que sexan do seu interese.
Programa
– Explicación do funcionamento básico e da configuración de módulos de Odoo: CRM, ventas, almacén, compras e contabilidade.
– Presentación práctica dos módulos de Odoo v12 para a xestión comercial, administrativa, loxística e contable de empresas de servizos e distribución.
Inscrición
Pódese facer a inscrición a través desta web.
Imparte
Consultora, formación, implantación e desenvolvemento de solucións de software de xestión empresarial en Software libre, na nube e coa filosofía de Software como servizo SaaS.
Software modular e adaptado a todo tipo de empresas.
Organiza
Amtega e Anubía Soluciones en la Nube.
Máis información na web do CDTIC
