Fai uns días tivo lugar o “Obradoiro de programación con Micro-Bit para nenas e nenos”, organizado por A Industriosa . Unha actividade gratuíta e conxunta, na que participaron os pais e nais coas fillas e fillos.
Desprazámonos ata as instalacións de A Industriosa en Vigo, para facer varias entrevistas e unha pequena reportaxe en vídeo, que vos deixamos a continuación:
Reportaxe en vídeo
BBC micro:bit é unha pequena tarxeta electrónica de hardware libre, programable, de 4×5 cm lanzada pola BBC británica no ano 2015 co obxectivo de que máis dun millón de nenos/as e mozos aprendesen a programar dunha forma fácil e divertida.
No ano 2016 a Fundación Educativa Micro:Bit integrada por empresas como Amazon, Microsoft, Cisco ou Samsung, asumen este proxecto co propósito de promocionar a aprendizaxe da programación e a robótica entre os mozos a nivel mundial.