Tan só dúas semanas despois do informe realizado polo Departamento Interno de Seguridade Estadounidense que establecía que o software libre tiña menos erros que o privativo, a meirande parte dos erros atopados en programas libres están xa resoltos. …
Os desenvolvedores dos proxectos analizados no anterior estudo puxéronse mans á obra e acadaron en dúas semanas correxir grande parte dos erros atopados. Algúns proxectos solucionaron tódolos erros. Na seguinte táboa vénse algúns datos:
| Proxecto | Erros o 6 de Marzo | Erros o 20 de Marzo |
| Amanda | 108 | 0 |
| XMMS | 6 | 0 |
| Samba | 216 | 0 |
| Ethereal | 143 | 19 |
| Gcc | 140 | 97 |
| Gaim | 113 | 51 |
Como parte do financiamento do goberno, a universidade de Stanford e a Coverity construiron un sistema que escanea diariamente o código de proxectos open-source populares. Isto crea unha base de datos de erros accesible polos desenvolvedores de xeito que poden ver os detalles necesarios para correxir o código.
