Despois de varios meses en probas, finalmente liberouse o código fonte de Radar COVID. A Secretaría de Estado de Digitalización e Inteligencia Artificial publicou nun repositorio de Github o código da aplicación de rastrexo de contactos española.
Desta forma, calquera desenvolvedor poderá colaborar, revisando o código e notificando erros.
Radar COVID
Agora, as distintas Comunidades deben adaptar a súa aplicación de rastrexo de contactos e xestionar os positivos para que a app funcione correctamente.
O código de Radar COVID publicouse baixo licenza Mozilla Public License 2.0.
En Github atoparemos o repositorio onde hai apartados dedicados para a versión de iOS, de Android, e do protocolo DP-3 T e os servidores.
Interoperabilidade
A partir do 15 de outubro, empezarán as probas para a súa interoperabilidade coas aplicacións doutros países.
España formará parte do primeiro grupo de probas para tentar que as distintas aplicacións de rastrexo de contactos funcionen entre si e por tanto calquera europeo poderá utilizar a súa aplicación aquí e nós poderemos ir con Radar Covid por Europa.