The Qt Company anunciara xa fai tempo que restrinxiría os lanzamentos das versións LTS do framework aos clientes comerciais, empezando pola recente Qt 5.15 LTS. A xente que use a versión de código aberto de Qt 5.15 non recibirá novos parches (o que supón un risco para a seguridade).
Os clientes comerciais de Qt terán acceso aos repositorios privados que conterán o código fonte co que se construirán as futuras versións de mantemento de Qt 5.15. A primeira versión de mantemento só para clientes comerciais sairá o próximo mes de febreiro de 2021.
Propúxose que a variante de código aberto da versión 5.15 pase a estar mantida pola comunidade, sen a intervención directa de The Qt Company (pero de momento a compañía non respondeu).