Xa está publicado o número 66 do Boletín de Reutilización de Software Libre nas Administracións Públicas correspondente a este mes de Xaneiro.

Logo de Matrix

O proxecto destacado deste mes é Matrix, unha solución para comunicación en tempo real como chat, VoIP e videoconferencias.

No apartado de novas destacamos a publicación de dous novos números de Mancomún Podcast, o inicio de probas con Matrix e Wire por parte do exército alemán, a aposta polo software libre da Mariña Real de Reino Unido, ou a posición de España no segundo posto de Europa en canto a madureza de datos abertos.

Dende agosto de 2014, a oficina de coordinación de software libre da Amtega vén elaborando e difundido entre os responsables en materia TIC da Xunta de Galicia un boletín, de periodicidade mensual, sobre reutilización de software libre polas administracións públicas. Nel recóllense iniciativas sobre solucións libres, open data e estándares abertos; experiencias de uso de ferramentas libres que se identifican noutras administracións públicas de interese e aplicabilidade dentro da Xunta de Galicia; documentación ou formación de interese nesta materia, etc.

Dende Outubro de 2015, este boletín vense publicando no portal mancomún, co obxectivo de incrementar a difusión desta información noutras administracións públicas, como por exemplo as entidades locais, ou en calquera outra entidade ou organismo que lle poida ser de utilidade.

Pin It on Pinterest

Share This