Xa está publicado o número 56 do Boletín de Reutilización de Software Libre nas Administracións Públicas correspondente a este mes de Marzo.
O proxecto destacado deste mes é oVirt, unha solución completa para a xestión de infraestrutura virtualizada.
No apartado de novas destacamos a migración ao software libre do concello de Pasaia, a iniciativa de Internet de Próxima Xeración da Comisión Europea, o programa de Google Summer of Code a publicación dun artigo sobre hardware libre, así como a xornada demostradora de Suse ou a sesión arredor de FacturaScripts.
Dende agosto de 2014, a oficina de coordinación de software libre da Amtega vén elaborando e difundido entre os responsables en materia TIC da Xunta de Galicia un boletín, de periodicidade mensual, sobre reutilización de software libre polas administracións públicas. Nel recóllense iniciativas sobre solucións libres, open data e estándares abertos; experiencias de uso de ferramentas libres que se identifican noutras administracións públicas de interese e aplicabilidade dentro da Xunta de Galicia; documentación ou formación de interese nesta materia, etc.
Dende Outubro de 2015, este boletín vense publicando no portal mancomún, co obxectivo de incrementar a difusión desta información noutras administracións públicas, como por exemplo as entidades locais, ou en calquera outra entidade ou organismo que lle poida ser de utilidade.
