Xa está publicado o número 70 do Boletín de Reutilización de Software Libre nas Administracións Públicas correspondente a este mes de Maio.
O proxecto destacado deste mes é Zentyal, unha solución de pequeno servidor que proporciona todos os servizos que se poden precisar nunha oficina ou nun equipo de traballo común.
No apartado de novas destacamos a publicación de catro pílulas formativas sobre ferramentas libre para o teletraballo, tres novos números do Podcast de Mancomún, as apostas polo software libre de Holanda, Munich, Alemaña, Francia ou España ou a publicación de novas versión, como Zabbix 5.0 ou Inkscape 1.0.
Dende agosto de 2014, a oficina de coordinación de software libre da Amtega vén elaborando e difundido entre os responsables en materia TIC da Xunta de Galicia un boletín, de periodicidade mensual, sobre reutilización de software libre polas administracións públicas. Nel recóllense iniciativas sobre solucións libres, open data e estándares abertos; experiencias de uso de ferramentas libres que se identifican noutras administracións públicas de interese e aplicabilidade dentro da Xunta de Galicia; documentación ou formación de interese nesta materia, etc.
Dende Outubro de 2015, este boletín vense publicando no portal mancomún, co obxectivo de incrementar a difusión desta información noutras administracións públicas, como por exemplo as entidades locais, ou en calquera outra entidade ou organismo que lle poida ser de utilidade.
