Lemos na web de Agnix sobre a existencia do proxecto Learn Linux. Trátase dun proxecto financiado pola Fundación Shuttleworth para desenvolver materiais abertos e libres para a formación de GNU/linux. Aínda que se ben é certo que hai moitos proxectos de documentación para aplicacións baseadas en Linux, é o primeiro proxecto adicado a desenvolver materiais curriculares que poidan ser libremente empregados por calquera para aprender ou ensinar Linux.
Os materiais distribúense baixo unha licenza Creative Commons- Recoñecemento- Compartir igual. Os textos están escritos en inglés e orientados a persoas con certos coñecementos sobre computadores (sistemas operativos, hardware, redes de comunicación) e aptitude para a programación.
O curso consta de varias unidades nas que se dá ao inicio unha breve descrición do contido e unha estimación de horas necesarias para a súa comprensión. Poden descargarse en .pdf ou velas na plataforma de teleensino moodle. Polo momento están dispoñibles as seguintes unidades:
- Fundamentos
- Funcionamento interno do sistema
- Administración do sistema
- Administración de rede
- Programación da shell
- Servizos
Fonte: Agnix
