As empresas DeepComputing e Xcalibyte anunciaron a apertura das reservas do primeiro portátil baseado en RISC-V orientado ao mundo profesional.
O portátil co nome de ROMA, pretende ser unha plataforma de desenvolvemento que equipa un procesador RISC-V, un acelerador GPU/NPU, 16GB de RAM LPDDR4/LPDDR4X e 256GB de capacidade para o almacenamento de datos. Nas imaxes de promoción poñen que é compatible con “a maioría de variantes de Linux”.
De momento non se especificaron as velocidades de reloxo nin outras características do procesador.