Liberada a primeira versión estable da distribución Fedora CoreOS (solución para contornas de execución baseadas en contedores illados, substituíndo Fedora Atomic Host e os produtos CoreOS Container Linux).
Fedora CoreOS
Fedora CoreOS é un sistema operativo mínimo, de actualización automática, para executar cargas de traballo en contedores de forma segura e a escala, dispoñible en múltiples plataformas.
Fedora CoreOS combina as ferramentas de aprovisionamento e o modelo de actualización automática de Container Linux coa tecnoloxía de empaquetado, o soporte OCI e a seguridade SELinux de Atomic Host.
Está formado por un conxunto mínimo de compoñentes suficientes para executar contedores illados: kernel Linux, administrador do sistema systemd e un conxunto de servizos para conectarse a través de SSH, administrar a configuración e instalar actualizacións.
O sistema de actualizacións baséase no uso de dúas particións do sistema, unha activa e a outra utilízase para copia da actualización.
Novidades
Baseada nos repositorios de Fedora 31, inclúe o núcleo Linux 5.4, o administrador do sistema systemd 243 e o kit de ferramentas Ignition 2.1.
Capacidade de instalarse en varias plataformas: servidores regulares, QEMU, OpenStack, VMware, AWS, Alibaba, Azure e GCP.
Incluirase nun futuro o envío de telemetría a Fedora CoreOS utilizando o servizo fedora-coreos-pinger.
Máis información na nova de Fedora Magazine