Nova pílula para o teletraballo: Proxecto Matrix, estándar aberto para as comunicacións

Matrix utilízase principalmente para a mensaxería instantánea, pero tamén serve como solución de Voz IP e para videoconferencias.

Matrix realmente é un proxecto de código aberto mantido por unha fundación sen ánimo de lucro, que publica un estándar aberto para a comunicación:
– interoperable con outras redes de comunicación
– descentralizado
– en tempo real
– cifrado e seguro a través de IP

Estas características permiten que os usuarios envíen mensaxes e fagan chamadas entre si, sen ter que preocuparse pola aplicación na que se atopa o outro usuario, facéndoo tan fácil como se enviáramos un correo electrónico, e utilizando un sistema de identidade neutral como pode ser un nome de usuario, unha dirección de correo electrónico ou un número de teléfono.

Desta forma, os usuarios posúen e controlan os seus datos en todo momento, e poden seleccionar os servizos e provedores que desexan utilizar.

Outras características de Matrix son:

– clientes de código aberto
– capacidade para aloxalo no teu propio servidor e federarlo con outros servidores
– pode manexar calquera tipo de dato en tempo real
– interface web e aplicacións móbiles
– fácil recuperación de conversacións perdidas, procuras e notificacións
– seguimento de mensaxes de lectura, edición de mensaxes

A forma máis fácil de empezar con Matrix é usando a interface web do cliente Riot.

Riot tamén posúe aplicación para Android e iOS, e aplicación de escritorio.

Esperamos que esta e outras pílulas, vos axuden no voso teletraballo.

Pílula sobre Matrix

 

Se che interesa ver outras noticias e recursos relacionados co teletraballo que temos no portal de Mancomún, podes pulsar sobre esta ligazón.

Pin It on Pinterest

Share This