Framadate é un servizo en liña que permite planificar unha cita ou evento, e a toma dunha decisión de forma rápida e sinxela, entre un grupo de persoas.
Framadate baseouse inicialmente no software Studs desenvolvido pola Universidade de Estrasburgo. Hoxe en día, está desenvolvido pola asociación Framasoft.
Pílula sobre Framadate
Framasoft é sobre todo unha rede de proxectos pensados para promover as liberdades dixitais, ofrecendo un conxunto de ferramentas para facilitar a adopción do software libre, de creacións culturais libres e de servizos gratuítos.
Non é necesario rexistrarse para usar o servizo. Soamente necesitas un navegador para crear a consulta e para respondela. Necesita, iso si, que teñamos habilitado JavaScript e as cookies.
Framadate podemos descargalo desde o repositorio oficial e instalalo no noso propio servidor, desa forma teremos o control dos nosos datos.
Podedes probar esta ferramenta nas seguintes ligazóns:
https://framadate.org/
https://poll.disroot.org/
https://framadate.nomagic.uk/
https://www.softaculous.com/softaculous/demos/Framadate
Nota informativa: debido á alta demanda que están tendo este días os servizos gratuítos, poden estar caídos temporalmente.
Esperamos que esta e outras pílulas, vos axuden no voso teletraballo.
Vídeos e novas relacionadas co teletraballo
Se che interesa ver outras noticias e recursos relacionados co teletraballo que temos no portal de Mancomún, podes pulsar sobre esta ligazón.