Actualidade

Versión 2.6.18 do kernel Linux

Acábase de anunciar a aparición da versión 2.6.18 do kernel Linux. Entre as novidades destacan un soporte de herdanza de prioridades no espazo do usuario, unha ferramenta de depuración que valida “bloqueos”, unha nova política de aforro de enerxía en sistemas multicore, SMPnice, melloras á infraestrutura SATA, migración de páxinas sen swap e un novo control de acceso dos paquetes para SELinux chamado “semarck”.

Máis información: LinuxChanges.  

Creando distribucións GNU/Linux

Unha boa forma de espallar o sistema operativo GNU/Linux, e as súas boas funcionalidades, é a través dos proxectos chamados Live-CD. Sen requirir coñecementos informáticos unha persoa pode utilizar e traballar con este sistema operativo, sen ter que instalalo.
 
LFS e DreamLinux son dous proxectos que fan posible un uso doado de GNU/Linux a través de interfaces moi intuitivas, coloridas e vistosas dando a posibilidade de crear novos sistemas GNU/Linux en formato Live-CD partindo destes.

Aberto o prazo para presentar comunicacións ao grupo de traballo e-learning e Software Libre

Observatorio Cibersociedad O III Congreso Online do Observatorio para a Cibersociedade, que nesta ocasión leva por título “Coñecemento Aberto, Sociedade Libre”, abre o prazo de presentación de comunicacións aos máis de 62 grupos de traballo que o integran en cinco áreas temáticas:
a) Política e cambio social.
b) Identidade e grupos sociais.
c) Comunicación e cultura.
d) Educación e aprendizaxes.
e) Crítica e innovación.

Alternativa libre a iTunes: Democracy

 
Con versións para Linux, Mac e Win, Democracy é un software gratuíto e libre (licenza GPL) que pode recoller clips dos sitios típicos (YouTube, Google, Yahoo!, etc), descargalos mediante un cliente BitTorrent e organizalos. A Descarga pode igualmente programarse, ao estilo de programas como TiVo.
Conta xa con 600 canles e cada día engádense novos, ademais dos que os usuarios queiran crear.

A UPC crea Atenea4, unha plataforma de e-learning creada con Software Libre

UPCnet, fornecedor TIC da UPC, adaptou o Learning Management System Moodle ás necesidades específicas da UPC, creando a plataforma Atenea 4.
Ao rematar a súa implantación en toda a universidade ao longo deste mes, 18 centros docentes, cun total de 34.000 usuarios, farán uso desta plataforma, o que a convirte na maior instalación de Moodle en España. 

Dispoñible versión beta de Red Hat Enterprise Linux 5

Red Hat acaba de lanzar a versión beta de Red Hat Enterprise Linux (RHEL) 5, que ten integrada no seu código a máquina virtual Xen, co obxectivo de levar ao mercado masivo os sistemas de virtualización.

Ademais de Xen, RHEL 5 inclúe un instalador mellorado, soporte para Infiniband, Kexec and Kdump, e integración smartcard.

Espérase o lanzamento definitivo do produto para o día 21 de Decembro do 2006.

Fonte: Linux Magazine

Open Education 2006: Comunidade, Cultura e Contido

Do 27 ao 29 de setembro celébrase o Open Education 2006. Este evento, que se celebra na Universidade de Utah está centrado nos aspectos sociais, culturais e técnicos dos recursos educativos libres. Un dos aspectos característicos deste evento é que todas as publicacións e presentacións que se acepten deben estar baixo unha licenza [[creative commons]].

Pin It on Pinterest