Actualidade

Caixanova organiza un Máster de Software Libre en colaboración co GSyC/LibreSoft da Universidad Rey Juan Carlos e a empresa galega Igalia. O obxectivo é capacitar aos alumnos para traballar en empresas do sector TIC e liderar proxectos de liberación, desenvolvemento e publicación de Software Libre. O máster durará un curso académico e desenvolverase de luns a xoves na Coruña. O prazo ordinario de matrícula remata o día 6 de xullo e o extraordinario o 28 de xullo. 

O proxecto Alba é un proxecto arxentino de desenvolvemento de Software Libre para a realización dun sistema informático para xestión unificada de centros educativos. A intención do proxecto é ofrecer unha ferramenta para o traballo cotián nestes centros e mediante a cal poidan xestionar o propio centro, aos alumnos e ao persoal docente.

A última versión é a 1.0RC que foi presentada en marzo e que incorpora melloras na interface, menú e funcionalidade xeral dos módulos liberados na versión anterior, así como novos módulos relativos a emisión de informes, consultas (certificados, solicitudes, boletíns, etc), impresión de listados, etc… ademais de incluír a primeira versión dun manual de usuario e datos de exemplo (opcionais) para aprender a manexar a aplicación…

O proxecto KDE Edutainment Project ten como meta desenvolver Software Libre para a educación dentro do contorno de escritorio KDE. Estes programas van dirixidos ás escolas, aos pais e aos alumnos e están dispoñibles en multitude de idiomas. As aplicacións están deseñadas para ser divertidas, coloristas e atractivas e deben ser o suficientemente sinxelas para que os rapaces as usen sen supervisión dos seus pais.

As modalidades nas que se poderá participar son as seguintes:

A- Ferramentas de autor
B- Materiais curriculares web
C- Galerías de imaxes e vídeos didácticos
D- Aplicacións de Software Libre ( usando como plataforma de desenvolvemento A Forxa de Mancomun.org).

A Universidad de Extremadura puxo en marcha o I Master en Administración e Desenvolvemento de Sistemas Baseados en Software Libre, dirixido a estudantes de último curso e profesionais do sector das TIC que desexen obter coñecementos avanzados de Software Libre. Segundo explicou o profesor da UEx Fernando Sánchez Figueroa, “a expansión do software libre a diferentes ámbitos é continua e está redefinindo os modelos de desenvolvemento e de negocio que existían”, dixo.