Actualidade

Microsoft Virtual Server soportará GNU/Linux

Un dos obxectivos da virtualización é poder executar instancias de Sistemas Operativos diferentes con todas as súas características, de forma completamente funcional na mesma máquina. Actualmente existen tres proxectos importantes de virtualización: O Virtual Server de Microsoft, Xen (proxecto libre de Novell que está sendo incorporado en Suse e Red Hat Linux) e VMware.

Que é unha distribución GNU/Linux?

Unha distribución GNU/Linux é, en poucas palabras, o sistema operativo GNU/Linux integrado cun conxunto de aplicativos, de xeito que a súa instalación sexa o máis sinxela posíbel o que permite obter, nuns poucos pasos, un sistema totalmente funcional.

Pódese pensar nunha distribución como nunha pirámide formada polo núcleo Linux, as utilidades GNU do sistema operativo, un contorno de xestión do escritorio e os aplicativos de usuario. Ademais a distribución levará un idioma predeterminado xunto cun aplicativo de instalación do sistema máis ou menos automatizado.

Existen numerosas distribucións, a diferenza entre elas está nas ferrementas de instalación e configuración, os aplicativos que veñen incluídos, o sistema de paquetes para a instalación de novos aplicativos, o contorno de escritorio, etc.

Normalmente as distribucións fanse para un mercado particular ou un tipo de función específica, por exemplo:

  • contornos educativos

  • contorno empresarial

  • universidade

  • usuario final

  • servidores…

Pódense consultar nesta páxina as distintas distribucións existentes.

Que é un live-cd ou un live-dvd?

Trátase dun cd ou dvd cunha distribución GNU/Linux preparado para arrancar o equipo dende el e traballar co sistema sen necesidade de instalalo no disco duro. Resulta moi axeitado para xente interesada en ver o funcionamento de GNU/Linux sen modificar o seu disco duro.

Ás veces veñen coa opción de realizar a instalación no disco duro, se así o quere o usuario (Knoppix, Galinux) e outros só están pensados para funcionar deste xeito e existe un CD distinto para facer a instalación (Ubuntu).

Para facer uso dun LiveCD cómpre obter un deles e logo configurar o ordenador para que arranque dende a unidade lectora. Reiniciar o equipo co disco na unidade de xeito que o LiveCD se iniciará automaticamente.

Para maior información pódese consultar a definición da wikipedia .

Existe software libre para Windows?

Si, existe software libre para diversos sistemas operativos, entre os que están Windows, MAC/OS, Unix e todas as distribucións GNU/Linux.

Unha pequena escolma de aplicativos libres para Windows, alternativos aos aplicativos habituais de escritorio é a seguinte:

  Aplicativo
Alternativa libre
Internet Internet Explorer Mozilla Firefox
Outlook Express Thunderbird
Outlook Thunderbird+Calendar
MSN Amsn
 Ofimática Ms Office OpenOffice
Multimedia  Winamp Zinf 
 Windows Media Player VLC
  Utilidades Winzip, winrar  7zip
 Adobe distiller PdfCreator

Pódese atopar unha relación maior na seguinte ligazón .

O Concello de Zaragoza migra os escritorios a software libre

A Concellería de Ciencia e Tecnoloxía, a través do Centro Municipal de Informática do Concello de Zaragoza comezou o seu Plan de Migración a Software Libre nos postos de escritorio. Todas estas accións, e específicamente aquelas que se desenvolven no ámbito do SL, defínense na liña de acción “Zaragoza Aberta”, dentro do marco recollido no documento de outubro de 2003 “Zaragoza cara á Sociedade do Coñecemento”.

É o mesmo software libre que GNU/Linux?

Existe unha grande confusión entre ambos termos porque GNU/Linux (moitas veces referido como Linux) é o máximo expoñente do software libre, mais son cousas diferentes.

GNU/Linux é un sistema operativo libre. Linux, creado por Linus Torvalds; constitúe só o núcleo de sistema operativo, á parte do sistema que xestiona en baixo nivel os recursos de hardware proporcionando unha capa de abstracción para un acceso máis sinxelo e seguro desde os aplicativos ao hardware. O resto de compoñentes do sistema operativo (compilador, intérprete de comandos…) foron desenvolvidos polo proxecto GNU , polo que o seu promotor Richard M. Stallman defende o nome GNU/Linux para darlle crédito a ambos proxectos.

O software lbre é calquera software que garante as 4 liberdades definidas por Richard Stallman. Entre os que as cumpren atópase GNU/Linux, pero non é o único. Existen multitude de aplicativos libres. Algúns deles son: OpenOffice, e Firefo, Amsn, etc. Na sección de Ligazóns atópanse sitios web onde buscar estas e outras aplicacións.

Pax. 552 de 556« Primeiro...102030...550551552553554...Último »

Pin It on Pinterest