Actualidade

Curso "Experto en Implantación de Software Libre na Peme"

Abriuse a convocatoria para o curso “Experto en Implantación de Software Libre na Peme” do INEM. Este curso impartirase en Vigo na Academia Tecnos (López Mora 85) nos meses de outubro e novembro. A convocatoria é o Xoves 28 ás 11:30 na mesma academia.

Os requisitos para poder optar ao curso son estar inscrito no INEM e ter un FP2 de Informática ou ter cursado algun curso do plan FIP que garantice algunha base de coñecementos ou similar

Para coñecer o programa podedes chamar ao teléfono 986299952.

Kewl plataforma educativa baixo Software Libre

Kewl é unha plataforma colaborativa orientada á comunidade educativa. Foi desenvolvida en Sudáfrica e conta con moitas implantacións no mundo da ensinanza, sendo un dos principais motores nalgúns organismos educativos coma no caso de Alemaña.

Esta baseada en PHP e foi desenvolvida por African Virtual Open Initiatives and Resources na University of the Western Cape en Sudáfrica.

Hardware Libre: S1 Core

Simply RISC, un grupo de enxeñeiros de Catania (Italia) e Bristol (UK), acaban de liberar o deseño dun procesador de 64 bits, chamado S1 Core. O deseño está baseado no microprocesador OpenSPARC T1 que liberara Sun hai uns meses, tamén con licenza GPL, e que é empregado en dispositivos como PDA e cámaras dixitais.

Concurso de cliparts e modelos para OpenOffice.org

OpenOffice.org Document Project convoca en colaboración con Wordlabel.com un concurso para elixir cliparts e modelos (templates) para OpenOffice.org. Os gañadores poderán recibir premios en metálico e a posibilidade de que os seus traballos sexan engadidos a esta suite informática. O prazo de presentación remata o día 13 de outubro ás 18 horas (hora galega).

Versión 2.6.18 do kernel Linux

Acábase de anunciar a aparición da versión 2.6.18 do kernel Linux. Entre as novidades destacan un soporte de herdanza de prioridades no espazo do usuario, unha ferramenta de depuración que valida “bloqueos”, unha nova política de aforro de enerxía en sistemas multicore, SMPnice, melloras á infraestrutura SATA, migración de páxinas sen swap e un novo control de acceso dos paquetes para SELinux chamado “semarck”.

Máis información: LinuxChanges.  

Pin It on Pinterest