Actualidade

OpenCD é unha gran colección de Software Libre e tamén gratuíto, exclusivamente para Windows e que cubre as necesidades máis habituais dun usuario medio, tales como procesador de textos, presentación, correo electrónico, navegación, deseño web e edición de imaxes.  A versión actual do CD é a 07.04 e na súa páxina web tamén podemos atopar a listaxe de programas incluídos.

Ao abeiro desta iniciativa tamén xurdiu OpenEducationCD, que tamén contén Software Libre e gratuíto orientado para estudantes de todas as idades para asistilos no seu aprendizaxe. O software incluído foi seleccionado especialmente por mestres polo seu uso educativo…

A Wikipedia española recorta terreo ás enciclopedias tradicionais. Nun estudo pormenorizado dos artigos existentes en ámbalas dúas enciclopedias para cada área do saber, comprobouse que a Wikipedia en español ofrece alternativas libres para o 75% dos artigos existentes na enciclopedia Encarta de Microsoft. Ademais a Wikipedia española contén un total duns 268.000 artigos e a Encarta de Microsoft só ten uns 42.000 artigos.

Con respecto á Wikipedia galega, fai pouco celebramos que xa alcanzara os 25.000 artigos e actualmente ten 26.479, colocándose no posto número 39 no ranking por artigos das wikipedias…

Google Code é o repositorio ou espazo onde Google comparte con todos os usuarios parte do código de programación que utiliza nas súas propias aplicacións. Este código ofrécese con licenza libre.

Dentro de Google Code temos a sección “Google Code for Educators“, onde podemos atopar materiais e recursos educativos para mestres de informática para que poidan mellorar os seus temarios coas máis recentes tecnoloxías.

Na páxina tamén temos unha sección de titoriais que poden servir para ensinar ao alumno os conceptos básicos dunha tecnoloxía por si necesita darlle un repaso. Na área “Sample Course Content” …

Segue aberto o prazo para participar no Premio ao Mellor Proxecto Fin de Carreira con Software Libre organizado por Igalia e que conta coa colaboración das tres universidades galegas e Mancomun.org.  Igalia realizou unha enquisa entre os inscritos na que a maioría afirmou que a súa fórmula preferida para presentar o seu traballo era facer unha breve exposición oral do seu proxecto.  En total hai sete proxectos polo de agora colgados na Forxa que poderán recibir 1.000 euros de facerse co primeiro premio.

A entrada é libre, pero convén inscribirse con tempo para facer previsión dos materiais a entregar nas xornadas.