Actualidade

Jordi Màs presenta o seu libro en Santiago

O coordinador xeral de Sofcatalá e experto en Software Libre Jordi Màs presentou onte en Santiago o seu libro Software Libre: tecnicamente viábel, economicamente sostíbel e socialmente xusto. No acto explicou o contido do libro que ten un afán divulgativo e que pretende facer un percorrido xeral sobre os aspectos máis importantes do Software Libre: a súa historia, vantaxes e ameazas, marco xurídico, produción, principais proxectos libres, oportunidades de negocio e a súa importancia para a administración e os gobernos.

Actualización da GFDL

A [[Free Software Foundation]] (FSF) anunciou a nova revisión da Licenza GNU de Documentación (FDL). Esta licenza estipula que calquera copia do material, inclusive a modificada, debe levar a mesma licenza FDL.
Moitos destes cambios foron feitos para favorecer a claridade da linguaxe e así facer un entendemento máis claro. O paraugas desta licenza tamén se estende a traballos de audio e de vídeo e introduce a Simpler Free Documentation License (SFDL), a cal é presentada como unha licenza menos restritiva e como alternativa a FDL.

OpenOffice.org 2.0.3 en galego para Windows e novo corrector lingüístico

http://www.mancomun.org/images/468-x-60.png
 
“Mancomun.org – Iniciativa galega polo Software Libre” acaba de liberar a versión 2.0.3 do paquete ofimático OpenOffice.org para usuarios de MS-Windows. O pasado mes de agosto xa se liberara esta mesma versión para os usuarios de GNU/Linux. Este software inclúe as ferramentas máis usadas para o traballo ofimático diario (procesador de textos, folla de cálculo, base de datos, un programa para facer presentacións, debuxos, etc.), así como un novo corrector ortográfico para o galego.
 
O corrector substitúe á anterior versión alfa e inclúe, nesta versión 1.0, máis de 21 millóns de palabras, 500 abreviaturas, 1500 nomes e apelidos, 400 siglas e acrónimos e 1.500 topónimos.

O portal web da Asociación Socio-Pedagóxica Galega estará desenvolvido en Software Libre

A Asociación Socio-Pedagóxica Galega desenvolverá o seu novo portal de xeito íntegro en Software Libre. Esta web contará con contidos educativos en galego e un xogo tipo trivial ademais de diversas utilidades para docentes e estudantes.

A AS-PG asinou un convenio de colaboración coa Consellería de Innovación e Industria de máis de 50.000 euros para o desenvolvemento deste novo portal.   

Máis información: AS-PG  Código Cero

Mobilinux 4.1: móbiles con GNU/Linux

Nesta mesma web de mancomun, puidemos ler, hai varias semanas, que existen solucións para dispositivos móbiles baseados en [[GNU/Linux]] e que son unha aposta seria de futuro polas grandes compañías de telecomunicacións.
Mobilinux é outro proxecto con este mesmo perfil e a compañía que está desenvolvendo este proxecto MontaVista Software, ten a ambición clara de facer desta distribución a máis competente de todas as existentes dentro do mercado baseado en GNU/Linux para dispositivos móbiles.

O goberno catalán lanza Linkat 1.0

Cataluña lanza a súa propia distribución chamada Linkat 1.0 que se basea en Suse 9.0 e será distribuída entre todos os centros de educación pública desta comunidade. Linkat chega despois de meses de proceso de proba no departamento de educación da Generalitat e as universidades públicas catalás. Este sistema podería ser implantado en máis de 120.000 ordenadores de toda Cataluña.

Pin It on Pinterest