Actualidade

O MIT publica "Perspectives on Free and Open Source Software"

http://www.mancomun.org/images/stories/mit.jpg O MIT (Massachusetts Institute of Technology) acaba de publicar o libro “Perspectives on Free and Open Source Software“, editado por varios autores (Joseph Feller, Brian Fitzgerald, Scott A. Hissam e Karim R. Lakhani).

O libro trata sobre os diferentes aspectos do Software Libre: o estado actual da revolución que provocou o  Software Libre, as perspectivas económicas, os modelos empresariais e económicos, aspectos legais, …

O concello de Castellón migrou a súa web corporativa a Software Libre utilizando UBUNTU

Desde fai uns meses, desde a “Sección de Tecnologías de la Información y Comunicacións” estívose realizando unha labor de migración progresiva do software utilizado no seu sitio web corporativo a Software Libre.

Deste xeito pasouse dunha contorna de software propietario co sistema operativo Windows 2003 Server e plataforma ASP ao sistema operativo [[Ubuntu]] Linux utilizando a linguaxe [[PHP]]…

Publicado o terceiro informe sobre políticas e iniciativas do Software Libre

O Observatorio galego de Software Libre vén de publicar o informe da evolución da situación do Software Libre nas políticas estatais e internacionais, correspondente ao período agosto-outubro, feito pola Universidade da Coruña. Este informe é froito do traballo desenvolvido dentro do convenio asinado co CESGA para a realización de accións encamiñadas a impulsar o Software Libre na nosa comunidade, e complementa ao informe inicial sobre a situación do Software Libre no ámbito das políticas estatais e internacionais publicado en maio e ao segundo correspondente ao período maio-xullo.

XBMC – Un media center GPL para a túa consola XBOX

http://www.mancomun.org/images/stories/xboxmediacenter.jpg XboxMediaCenter é un reprodutor multimedia baseado en Software Libre para a consola XBOX de Microsoft. Actualmente o software XboxMediaCenter (XBMC) pode reproducir videos/ver imaxes na maioría dos formatos de audio/vídeo/imaxe coma son os formatos MPEG-1/2/4, DivX, [[XviD]], MP3, AAC, JPG, GIF ademais de outros moitos formatos menos coñecidos directamente dende o lector de CD/DVD da consola ou do seu disco duro.
 
XBMC ademais tamén pode facer streaming de ficheiros dun PC sobre unha rede local de computadores e incluso directamente cara internet…
 

Nova version de Linux: 2.6.19

 Hoxe en día xa non é moi usual comentar o lanzamento dunha nova versión do kernel Linux, senón que o usuario final coñece a realidade do Software Libre a través das novas versións dos Sistemas Operativos Libres como Ubuntu GNU/Linux, Fedora GNU/Linux, Debian GNU/Linux, etc.
A nova versión do Linux 2.6.19 inclúe moitas novedades, pero este novo lanzamento está moi encamiñado a ofrecer soporte de sistemas de ficheiros coma GFS2 (clusters), Ecryptfs, EXT4, melloras en FAT para dispositivos mp3, etc.

Creando alternativas de comunicación en países en desenvolvemento

A consultora sueca IT+46 anunciou a entrega dunha nova guía “VoIP para el desarrollo, una guía para crear infraestructura de voz en regiones en desarrollo “. O libro pretende fomentar o uso das comunicacións de baixo custo nas zonas máis pobres do planeta. A guía de Voz sobre IP é de difusión gratuíta e está dispoñible en catro idiomas, baixo unha licenza [[Creative Commons]]. Este traballo é un esforzo por diseminar o uso da telefonía a través da Internet en rexións en desenvolvemento.

SOLES WS 1.0, Software Libre para empresas de economía social

http://www.mancomun.org/images/stories/soles.jpg SOLES WS 1.0 é unha distribución GNU/Linux dirixida a PC de escritorio en contornas corporativas da economía social e a usuarios con calquera nivel de experiencia tanto con computadores como con GNU/Linux. Dispoñible para procesadores [[Intel]] e [[AMD]] de 32 bits, SOLES WS 1.0 ofrece un escritorio completo, estable e intuitivo que facilita o acceso a GNU/Linux e que inclúe todas as posibilidades que calquera usuario pode demandar: ofimática, Internet, multimedia, educación, lecer, etc, xunto cos máis completos sistemas de seguridade, como unha devasa persoal, un analizador de virus de Windows e un filtro de correo lixo. En definitiva, SOLES WS 1.0 combina a robustez e estabilidade de GNU/Linux, a potencia e versatilidade de [[Debian]] e a amigabilidade e usabilidade do escritorio [[KDE]]…
 

Documentais Software Libre

Existen dous documentais nos que mostran os inicios do Free Software, do movemento Open Source, do proxecto GNU, etc. Todos os personaxes que interveñen son moi coñecidos: Richard Stallman, Perens, Eric S. Raymond e Linus Torvalds.

Os nomes de estes videos son “The Code: Linux” (oficialmente “The Code“), o documental finlandés que se emitíu a través de ARTE, e que está dispoñible nesta ligazón e o outro é Revolution OS, un documental premiado en festivais de cine no que participan varios dos personaxes máis relevantes da recente historia de GNU/Linux. Esta última pódese visualizar nesta ligazón.

 

Colombia implantará nos caixeiros automáticos Software Libre baseado no gnuLinEx estremeño

http://www.mancomun.org/images/stories/cooperacion_extreme%C3%B1a.jpgAs autoridades colombianas teñen a intención de implantar nos caixeiros automáticos o Software Libre Linex-Col, desenvolvido a partir do gnuLinEx estremeño, por mor da colaboración en materia de transferencia tecnolóxica mantida durante anos entre Estremadura e este país iberoamericano.
 
O viceministro colombiano Abraham Rubio foi o encargado de comentar os pormenores desta colaboración durante a celebración do II Congreso Internacional de Alfabetización Tecnológica

Pin It on Pinterest