Actualidade

Traducido o 100% da interface de OpenOffice.org 2.0.4

O labor dos voluntarios que empregaron o entrans para traducir a versión candidata ou release do OpenOffice.org 2.0.4 logrou que xa estea en galego o 100% da interface. Desde mancomun.org agradecemos de xeito especial o entusiasmo co que foi acollida esta iniciativa. Gracias a vós poderemos ter en pouco tempo a nova versión oficial do OpenOffice.org en canto sexa definitiva.

Pero aínda queda moito por facer. A localización das cadeas correspondentes ao novo contido da axuda está pendente. Cómpre lembrar que o galego é un dos poucos idiomas no mundo que dispoñen dunha axuda totalmente traducida.  

Ir ao entrans .  

Charla e obradoiro sobre Software Libre en Vilagarcía

Organizado por Galiza Nova, patrocinado pola Concellaria da Xuventude do Concello de Vilagarcia de Arousa e coa colaboración de AGNIX e Mancomun.org desenvolveranse no auditorio de Vilagarcía e no Centro Cultural da Torre os días 27 e 28 deste mes que andamos unha charla e un obradoiro sobre Software Libre co seguinte programa:

Charla Venres 27 de Outubro 20:30 h. Auditorio de Vilagarcía de Arousa

  • Roberto Brenlla – Achegamento ao Software Libre.

Obradoiro Sábado 28 de Outubro 12:00 h. Centro Cultural da Torre (Vilagarcía de Arousa)

  • Xabier Alonso. Instalación e achegamento ao GNIX.

Wii terá un sistema operativo Linux actualizable

Nunha entrevista publicada na páxina web de Nintendo, Satoru Iwata (presidente da compañía nipona) confirmou que por primeira vez nunha das súas consolas, [[Nintendo]] poderá seguir realizando melloras no sistema operativo a través de distintas actualizacións, ofrecendo novas características aos consumidores unha vez que xa mercaran unha Wii

O Porriño será do 12 ao 15 de outubro a capital galega do Software Libre

O alcalde do Porriño, Raúl Francés, presentou hoxe en rolda de prensa a segunda edición da Linux Party, un encontro de persoas interesadas na informática e o Sofware Libre que se desenvolverá do 12 ao 15 de outubro no Pavillón Municipal de Deportes. Na presentación estivo acompañado de Carlos Rodríguez (presidente de GALPón) e Manuel Hermo (presidente de AGNIX).

Colabora na tradución ao galego da próxima versión do OpenOffice.org

Acabamos de poñer en marcha un novo servizo na web de mancomun.org ao cal se pode acceder a través da seguinte ligazón web:

http://www.mancomun.org/entrans  

Con este novo servizo queremos implicar á maior cantidade de xente posible a que colabore na tradución de Software Libre, e para iso empezamos,  poñendo á vosa disposición, as cadeas que quedan por traducir ao galego da próxima versión do OpenOffice. Unha vez teñamos estes ficheiros traducidos poderemos sacar a próxima versión do OpenOffice en galego gracias á vosa colaboración…

A Universidade da Coruña creará unha forxa que estará integrada no portal Mancomun.org

O Consello da Xunta ratificou o convenio entre a Consellería de Innovación e Industria para crear un marco de actuación estable coa Universidade da Coruña en materia de Software Libre. Entre os proxectos máis destacados cabe salientar a creación e mantemento dunha forxa integrada na web de Mancomun.org, un motor de busca de proxectos, seguimento dos diferentes proxectos, listas de correos para usuarios e desenvolvedores, elaboración de noticias e foros de discusión.

Dispoñibles as presentacións das xornadas da USC 2006

Na páxina de GLUG  aparece publicada a noticia de que xa teñen dispoñibles as presentacións das xornadas sobre Software Libre da USC 2006. Polo de agora non teñen todas as presentacións subidas pero esperan telas no menor espazo de tempo posible.

Máis información sobre as presentacións dispoñibles (temática, autor,…)  na web de GLUG

Pin It on Pinterest