Actualidade

Brasil e Galicia colaborarán en proxectos Grid e Clúster con Software Libre

O goberno do Brasil e a Xunta de Galicia empezaron a establecer as bases dun convenio de colaboración que se prevé que se firme antes de final de ano. O convenio ten como obxectivo que as dúas administracións colaboren en implementar aplicacións libres mediante grid e clúster en varios ámbitos como a radioterapia, a xestión ambiental ou en sistemas de xestión de nóminas en áreas de recursos humanos.

Xestor de documentación con sabor galego

Un estudante da Escola de informática de Ourense chamado Toni Martínez, anuncia o lanzamento dunha aplicación Software Libre para xestionar e organizar documentos. Esta xestión de documentación ofrece funcionalidades como categorías de documentos, tipos de documentos, autores, usuarios e grupos de usuarios.
A aplicación utiliza como fonte de procura, os ficheiros definidos no estándar Open Document (ODF) aínda que o autor comenta que ten prevista a adaptación doutros tipos de documentos baixo estándares abertos.

O Software Libre entra nas aulas da UOC

A Universida Oberta de Catalunya (UOC) poñerá en marcha este curso un proxecto piloto no que se pretende impulsar o uso do Software Libre, tanto a nivel académico como institucional. Esta iniciativa reforza a aposta da UOC polo Software Libre que xa estaba plasmada a través do seu máster en Software Libre, que está coordinado por Jordi Màs, e que ten os materiais dispoñibles baixo licenza [[Creative Commons]].

UltraStar: un karaoke GPL para o teu computador

UltraStar é unha implementación GPL dun karaoke que está baseado no famoso SingStar ® de Playstation 2 ® e que empeza a causar sensación pola súa facilidade á hora de crear novas cancións para o mesmo, personalizalo, etc…
 
A versión actual é a 0.4.2, que saíu hai escasamente uns días, incorpora novas funcionalidades como o Top 5, bonus, …

Software de visualización para matemáticos e bioquímicos

Bioclipse e K3DSurf son dous programas de visualización de datos orientados ás matemáticas e á bioquímica, respectivamente.

Bioclipse é unha suite de traballo para bioquímicos con grandes capacidades de edición e visualización de moléculas, secuencias, proteínas, …

K3DSurf é un programa para visualizar e manipular modelos matemáticos en tres, catro, cinco ou seis dimensións. Estos obxectos matemáticos poden ser superficies ou curvas…

Dispoñible Pentaho Open BI Suite 1.2

Open BI Suite 1.2 é unha ferramenta de workflow de BI (business intelligence) totalmente orientada cara o mundo dos negocios. Está incluída nas distribucións de Servidor e Desktop de SUSE Linux Enterprise 10 da firma Novell.
 
Dende a web de Open BI Suite 1.2, proxecto de Software Libre aloxado en SourceForge, pódese ver os novos avances desta plataforma que van dende crear novas listas para realizar informes ata ferramentas que axudan á reutilización de librerías estándares referidas a vendas, finanzas, medios humanos, etc.

Pin It on Pinterest