Actualidade

Un total de 590 resultado(s) para Educación

Obradoiro "Introdución ao Software Libre e GNU/Linux" na Universidade de Vigo por GALPon

http://www.mancomun.org/images/stories/galpon_animales_small.pngO Vicerreitorado de Extensión Cultural e Estudantes da Universidade de Vigo organiza xunto con GALPon, o obradoiro “Introdución ao Software Libre e GNU/Linux” de 30 horas e convalidable por 2 créditos de libre elección.

Neste curso práctico, disporase de 20 computadores con GNU/Linux cos que os alumnos poderán empezar a coñecer este sistema operativo. Inclúense a instalación e configuración dunha sistema completo no computador ademais de traballar con diferentes contornos gráficos como Gnome e KDE.

O prazo para a matriculación vai dende o 15 até o 26 de Outubro e comezará o 29 de Outubro na E.T.S. Enxeñeiros de Telecomunicacións do campus de Lagoas – Marcosende da Universidade de Vigo, os luns e martes pola tarde…

As universidades españolas comezan a colgar as súas clases en Internet para consultar libremente

As universidades están comezando a compartir a súa sabiduría cos cidadáns facendo dispoñible o material dos cursos a través de Internet. Trátase dunha oferta gratuíta aínda que non ten valor oficial e non serve para obter un título. Un dos pioneiros, en canto á dimensión desta iniciativa foi o MIT de Massachusetts que actualmente ofrece cerca de dúas mil descargas/vídeos de material das súas clases. A semana pasada, Berkeley, que xa levaba un ano traballando nesta liña, anunciou que ofrece 300 vídeos en YouTube. Inclúense desde estudos sobre a paz e os conflictos, cursos de bioenxeñería, etc…

Esta iniciativa é distinta á oferta académica de cursos en liña que requiren da matriculación do alumno e un seguimento académico con calificacións de cara a obter un título. Trátase de ofrecer materiais pedagóxicos que xenera a universidade para a súa consulta libre

GleduWiki, un portal de recursos educativos en Software Libre

GleduWiki , un sitio web da Arxentina, recompila moitos dos recursos educativos en Software Libre que podemos topar pola rede, desde propostas didácticas, aplicacións informáticas libres totalmente categorizadas, eventos, novas, manuais, etc… E se non están listados na web, ti mesmo os podes incluír xa que a xestión da mesma é a través dun [[Wiki]].

Algúns recursos interesantes:

Cursos de Software Libre da Academia Iria Flavia para o mes de outubro

A empresa de formación Academia Iria Flavia vai desenvolver unha serie de cursos de formación baseados en Software Libre. Os alumnos poderán formarse en ofimática libre, deseño web, programación web, xestión de contidos ou técnicas de deseño grafico. Iria Flavia regala ademais aos seus alumnos un DVD con Software Libre e gratuíto pola súa participación.
 

Macedonia dotará a 180.000 estudantes con computadores con Linux

Macedonia dará a posibilidade a 180.000 estudantes de contar con computadores equipados con Ubuntu. A través destes equipos os rapaces poderán acceder a internet e diferentes recursos educativos. A través dun acordo coa empresa NCompunting o goberno deste país balcánico instalará estes postos cun prezo duns 70 dólares por equipo. Cada terminal podería ser usado por até sete persoas.
 

Mancomun.org achegou as vantaxes do Software Libre na educación no foro Inforensino

Mancomun.org impartiu un relatorio sobre o Software Libre e as súas aplicacións no eido educativo o pasado venres no foro Inforensino organizado polo Centro de Formación e Recursos de Lugo. Nesta charla Mancomun.org achegou aos docentes os conceptos básicos do Software Libre e as principais ferramentas educativas abertas dispoñibles.
 
 

UIMP e IBM colaboran na organización da I Olimpiada Informática Universitaria Cell+Linux

A Universidad Internacional Menéndez Pelayo (UIMP) e IBM celebran desde o día 12 deste mes ata o día 14 no Campus das Llamas da UIMP, en Santander, a I Olimpiada Informática Universitaria Cell + LINUX. Acóllese neste evento o Seminario de Arquitecturas de Cell e Programación en LINUX e o Concurso de proxectos de programación en LINUX/Cell.
 

Novidades no Máster de Software Libre de Igalia

O Máster de Software Libre organizado pola empresa coruñesa Igalia, Obra Social de Caixanova e a Universidad Rey Juan Carlos pasará de impartirse de luns a xoves a celebrarse os venres pola tarde de 16 a 21 horas e os sábados de 9 a 14 horas  na Coruña.  Este máster ten por obxectivo formar a profesionais para desenvolver proxectos internacionais de Software Libre. O prazo para a inscrición é até o 28 de setembro e, outra das novidades, é que a partir de agora tamén se poderán inscribir Enxeñeiros Técnicos.
 
Outro aliciente para os alumnos serán as bolsas Morfeo, promovida por Telefónica I+D, e GNOME, promovida por Igalia, que achegarán unha axuda de 3.000 euros e a posibilidade de facer o practicum nestas empresas.   
 

O ministerio de educación francés realizará unha migración masiva dos seus servidores

Red HatSegundo publica La Flecha, o ministerio de educación francés vén de migrar a Linux 2.500 dos seus servidores coa fin de gañar independencia respecto ao provedor e ás solucións propietarias. Evita así os custes crecentes das licenzas propietarias e os ciclso de actualización impostos asegurando a interoperabilidade.

Os subministradores de aplicacións, desenvolvedores internos e partners externos desenvolven agora sobre estándares abertos para asegurar a compatibilidade con Linux e especificamente con Red Hat Enterprise Linux. Isto inclúe aplicacións financeiras ou ferramentas para exames de xestión, estudantes ou as actividades administrativas diarias.

 

As universidades da rexión alemana de Renania do Norte-Westfalia pásanse a Linux

O goberno da rexión alemana de Renania do Norte-Westfalia vén de chegar a un acordo con Novell para instalar as súas distribucións de GNU/Linux en 33 universidades do seu territorio. Deste xeito un 40% dos universitarios alemáns, máis de 800.000 estudantes, das rexións de Renania, Baviera e Turinxia terán acceso a este sistema operativo baixo o soporte de Novell. 

Pax. 54 de 59« Primeiro...102030...5253545556...Último »

Pin It on Pinterest