Actualidade

Primeira edición de AmiguSoft-Libre e nova amigus-party

O vindeiro 29 de decembro celebrarase a primeira edición de AmiguSoft-Libre nas Pontes, unha xornada de achegamento ao Software Libre organizada pola Asociación Informática Amigus. Contaremos cunha presentación da iniciativa mancomun.org guiada por Tomás Vilariño, un achegamento ao Blender por Gustavo Muñoz e finalmente un coloquio sobre o Software Libre no que nos centraremos na súa difusión.

http://www.amigus.org/partys/party2006nadal/softlibre.jpg

I Xornadas sobre SIX libre: Aberto prazo de inscrición

Do 5 ao 7 de marzo do 2007, celebraranse en Girona as I Xornadas sobre Sistemas de Información Xeográfica libres. Na páxina web das xornadas pódese consultar xa o programa definitivo de Relatorios e Comunicacións (sección Xornadas no website, descargar pdf). A data límite da inscrición avanzada ás Xornadas é este próximo día 22 de decembro. A inscrición normal alargarase ata o 23 de Febreiro de 2003.

Publicamos O Software Libre nas entidades de Galiza

Mancomun.org, coma Observatorio do Software Libre en Galicia, acaba de publicar O Software Libre nas entidades de Galiza que analiza o emprego do código aberto na PEME, empresas informáticas, concellos e centros de ensino non universitario. O documento está dispoñible na sección de descargas.

O estudo indica que o Software Libre estase a desenvolver de xeito desigual segundo os diferentes ámbitos. Nas empresas informáticas o uso é maior (48%), seguido por concellos (32%), centros de ensino (20%) e a PEME non tecnolóxica (10%). Goza dunha imaxe excelente e a principal razón para non usalo é o descoñecemento. Ademais faise evidente a necesidade de actividades de difusión e formación en todos os sectores estudados.

Búscanse tradutores ao galego para o sistema de monitorización Pandora FMS

Os responsables do sistema de monitorización libre Pandora FMS  buscan tradutores para a súa versión galega. Actualmente conta con versións en español, inglés, francés, asturiano, catalán, portugués de Brasil, español para Sudamérica e italiano. Os interesados deben dirixirse a pandorainfo@gmail.com.

Charla sobre Software Libre e simulación numérica para investigación e docencia

O próximo xoves 21 de decembro ás 10:30 terá lugar no Seminario 2.1 do Departamento de Matemáticas da Facultade de Informática da Coruña  a charla Recursos en Software Libre para a simulación numérica en investigación e docencia. A charla será impartida pola doutora Ana Ferreiro Ferreiro do Departamento de Matemáticas da Universidade da Coruña. 
 

O Google Web Toolkit xa é 100% Software Libre

GoogleA versión 1.3 do Google Web Toolkit acaba de saír á luz e é totalmente libre. 

Google Web Toolkit (GWT) é unha contorna de desenvolvemento feita en [[Java]] que permite escribir aplicacións en linguaxe [[Ajax]] como Google Maps ou Gmail. O código da aplicación que fagas estará escrito en Java e o compilador do GWT xerará a partir desas clases Java, o código HTML e JavaScript “lexibles” polo navegador…

O congreso aproba a proposición non de lei a prol do Software Libre

O Pleno do Congreso dos Deputados vén de aprobar case por unanimidade (299 votos a favor, 1 en branco e unha abstención) unha proposición non de lei que insta ao goberno a promover o Software Libre entre a administración e os cidadáns.
 
Favorecerase deste xeito o uso de estándares abertos e o desenvolvemento de solucións libres. Entre as vantaxes salientadas polos deputados están a interoperabilidade, a adaptabilidade a todas as linguas do Estado, o aforro económico en licenzas e a racionalidade técnica e tecnolóxica.
 

Nova versión de HyperScope 1.1

HyperScope é un procesador de alto rendemento que permite navegar, ver e ligar documentos de maneiras sofisticadas. É o primeiro paso para chegar a un sistema aberto de Hyperdocument.

HyperScope desenvolveuse en Javascript usando o “toolkit” Dojo e traballa en Firefox (recomendado) e Internet Explorer. Utiliza OPML como formato de arquivo. É open source e ten licenza GPL.

Pin It on Pinterest