Actualidade

Concurso da Consellería de Innovación para a creación dun portal de comercio exterior

A Consellería de Innovación e Industria publica no Diario Oficial de Galicia do día 13 de outubro a convocatoria do concurso para a creación dun portal de servizos e promoción do comercio exterior.  

Este portal terá que ter coma software de base un sistema operativo Linux, un xestor de bases de datos PostgreSQL e un servidor web Apache, ademais doutras esixencias técnicas de carácter aberto.

O concurso está valorado en 210.000 euros e o prazo de entrega de propostas remata o día 29 de outubro.

Máis información: D.O.G. , esixencias administrativas , esixencias técnicas

O cliente de correo Eudora pásase ao Software Libre

Eudora é un cliente de correo electrónico para as plataformas Microsoft Windows e Apple Mac OS X, así como para PDA baseadas en Palm OS.

O anuncio realizado pola empresa coincide co lanzamento das últimas versións comerciais de Eudora: a 7.1 para Windows e a 6.2.4 para Mac OS X. A partir de aquí, a próxima versión liberada xa será baixo unha licenza libre, a mediados do 2007.

O novo Eudora estará baseado no mesmo código fonte de Thunderbird, aínda que incorporará características propias do  actual cliente de correo…

As escolas de Maxisterio valencianas ensinarán Software Libre aos futuros mestres

As escolas universitarias de Maxisterio de Alicante, Castellón e Valencia iniciaron este curso a ensinanza de Software Libre aos futuros mestres.
Esta materia, que se imparte aos estudiantes universitarios a través de módulos de libre elección, desenvólvese trala firma dun convenio de cooperación tecnolóxica firmado coa Consellería de Educación.

Revistas de Software Libre

Cada vez son máis as comunidades de usuarios seguidores do Software Libre que fan uso de internet para difundir principalmente contidos tecnolóxicos libres en forma de blogs, portais, webs de axuda, howtos, etc.
Outro formato que empeza a coller forza en internet en materia de difusión é a revista dixital. Este tipo de creación empeza a ser usado por moitas das entidades de difusión de formato papel, querendo así, facerse un oco en internet. O Software Libre non se queda atrás e xa son varios os portais que están a traballar nesta liña, facendo posible a descarga libre destas creacións.

O OpenOffice.org terá corrector gramatical para o galego

Actualmente, o OpenOffice.org conta cun corrector ortográfico para o galego que recoñece máis de 21 millóns de palabras, 500 abreviaturas, 1500 nomes e apelidos, 400 siglas e acrónimos e 1.500 topónimos.
 
A Consellería de Innovación e Industria vén de publicar un concurso para a elaboración dun corrector gramatical para o galego, de código aberto e adaptado ao OpenOffice.org. O texto completo da resolución está publicado no  Diario Oficial de Galicia do venres 13 de outubro do 2006.

Lambdastream é distinguida por un sistema de vídeo baixo demanda que funciona sobre GNU/Linux

A empresa coruñesa Lambdastream foi seleccionada como unha das 16 mellores empresas de nova creación. Lambdastream forma parte da selección das mellores Start-ups de España elaborada polo Foro Neotec.

O proxecto estrela de Lambdastream é o VoDKA (Video on Demand Kernel Architecture) un sistema de vídeo baixo demanda. Este sistema, recentemente vendido á federación de televisións rusa, corre sobre GNU/Linux como sistema preferente aínda que tamén funciona en Solaris e Digital UNIX. Ademais a maior parte das ferramentas de desenvolvemento, ofimática e deseño gráfico empregadas pola compañía son Software Libre.

O Foro Neotec é un evento, promovido polo Centro para o Desenvolvemento Tecnolóxico e Industrial (CDTI) do Ministerio de Industria que se celebrará o día 7 de novembro en Valencia.

Obradoiros Abertos de CompostelaWireless

Os Obradoiros Abertos que vén celebrando a xente de CompostelaWireless tódolos martes dende o mes de Xullo, veránse interrumpidos temporalmente durante os meses de Outubro e Novembro, segundo anuncian na súa web.

Concretamente cancélanse os obradoiros dos días 17, 24 e 31 de outubro e o do día 7 de novembro. Despois destas datas reanudarase a actividade previa publicación dun novo anuncio.

 

Pin It on Pinterest