Actualidade

España participa na creación dun observatorio de software libre para a UE

O servizo, chamado “Open Source Observatory and Repository” (OSOR), conta cun presuposto duns 3,5 millones de euros e está baseado nun portal que permitirá ás administracións públicas europeas almacenar e compartir o software libre que producen, así como intercambiar recursos e coñecemento.

O proxecto  tamén pretende crear  un repositorio que almacenará non so código fonte e aplicacións listas para o seu uso, senón tamén documentación sobre elas, información sobre licenzas de software libre e material sobre a contratación de servizos relacionados co software libre.

Máis información:  http://www.vnunet.es/Actualidad/Noticias/Infraestructuras/Software/20070108048

Aberto o prazo de inscripción para a Conferencia Internacional de Software Libre 3.0

Os interesados en participar na Conferencia Internacional de Software Libre 3.0, que se celebrará en Badaxoz os días 7, 8 e 9 de febreiro do 2007, poderán inscribirse ata o 15 de xaneiro a través da web oficial da Conferencia, na dirección: http://www.freesoftwareworldconference.com

Calquera especialista que o desexe pode presentar a súa comunicación para participar na Conferencia enviando os abstracts dos traballos que desexe expoñer á dirección de correo electrónico papers@freesoftwareworldconference.com.

 

Fonte: http://www.lavanguardia.es/gen/20070103/51298800443/noticias/abierto-el-plazo-de-inscripcion-para-la-conferencia-internacional-de-software-libre-3.0-internet-extremadura-andalucia-merida.html 

Os creadores de Second Life liberan parte do seu código

Linden, empresa creadora do simulador social Second Life, vén de anunciar que liberará o código do programa cliente do xogo baixo licenza GPLv2. A empresa afirma no seu blog que deste xeito “abraza o inevitable” e que posibilita a creación de diversos mundos de Second Life interconectados entre si e en continuo cambio. Linden comunicou que é a decisión máis importante que tomou nestes últimos sete anos e está motivada pola necesidade de que o proxecto medre a gran velocidade.
 

A India pode vivir sen Microsoft

O goberno do estado de Tamil Nadu na India tomou a decisión de migrar o 99% dos seus sistemas Windows a solucións Open Source, algo que farán durante este 2007. Na entrevista co diario Deccan Chronicle, Mr. C. Umashankar, director executivo da empresa propiedade do estado indio Electronics Corporation of Tamil Nadu (ELCOT) que está a cargo do proxecto, afirmou que non precisa a Microsoft.

Atópase unha vulnerabilidade en OpenOffice.org por problemas con ficheiros WMF

Acábase de descubrir unha vulnerabilidade en OpenOffice que potencialmente pode ser explotada por usuarios malintencionados para provocar a execución de código arbitrario nas máquinas víctima do ataque.

O erro débese á presencia de varios problemas de desbordamento de enteiros no código que se encarga de procesar ficheiros  WMF e EMF.

Recoméndase actualizar á versión 2.1 ou aplicar este parche.

Máis Información:
 www.openoffice.org/issues/show_bug.cgi?id=70042

High Risk Vulnerabilities in the OpenOffice Suite: www.ngssoftware.com/advisories/high-risk-vulnerabilities-in-the-openoffice-suite/

Os concellos de Galicia terán ordenadores co OpenOffice

OpenOfficeDirección Xeral de Administración Local vén de entregar equipos informáticos a unha serie de concellos de Galicia a través da súa liña de subvención de implementación do Eido Local conxuntamente con cd de OpenOffice en galego. Os ordenadores entregados son 450. O estudo realizado por Mancomun.org O Software Libre nas entidades de Galiza evidencia un grande descoñecemento do Software Libre por parte dos responsables municipais.

OpenTom: Software Libre para o teu dispositivo TomTom Go

http://www.mancomun.org/images/stories/opentom.jpg Os famosos dispositivos GPS TomTom Go debaixo da súa simple aparencia levan un sistema operativo GNU/Linux. Por iso temos os paquetes que liberou a compañía TomTom e que provén parches para o kernel e outro código para estes singulares dispositivos.
Ademais disto, xurdiu un proxecto chamado OpenTom que permite personalizar estes dispositivos e desenvolver software para o mesmo…

A administración rexional arxentina pásase ao OpenDocument

O goberno da provincia de Misiones (Arxentina) decidiu adoptar coma formato para os seus documentos o OpenDocument e o PDF. Esta administración rexional tomou a súa decisión baseándose na necesidade de creación de estándares para manter a independencia tecnolóxica, o libre acceso aos datos e a comunicación entre as persoas.
 
OpenDocument será empregado naqueles documentos que precisen ser modificados e PDF naqueles de difusión pública. Desaconséllanse os formatos abertos de pouca difusión coma TEX/LATEX e rexéitase o emprego de formatos propietarios.
 

Knoppix 5.1.0 lanzado

http://www.mancomun.org/images/stories/knoppix-logo.jpg Klaus Knopper anunciou a publicación de Knoppix 5.1.0 en live CD e DVD.Novidades:

  • Actualizado a Debian Etch
  • Linux kernel 2.6.19.1 + FUSE 2.6.1
  • Descompresión en tempo real con Cloop 2.05
  • Substitución do Unionfs por Aufs
  • [[KDE]] 3.5.5
  • [[OpenOffice.org]] 2.1
  • ntfs-3g (12.12.2006) para escritura transparente en NTFS

Pin It on Pinterest