Actualidade

Petición de axuda para proxecto Open Source de xeociencias

GpulO portal de Gpul recolle a petición de axuda para a creación dun proxecto Open Source das xeociencias. O proxecto consiste nun programa de topografía completo que se está a programar en GTK+ e C. O autor, un estudante da Universidade Politécnica de Madrid que está a realizar o seu proxecto de fin de carreira na Coruña, pide axuda a todo aquel que queira colaborar.

DMath: Extensión matemática para o OpenOffice.org

http://www.mancomun.org/images/stories/ooo-main-logo-2col-trans.gifDmaths está dirixido a todas aquelas persoas (sobre todo profesores e alumnos de matemáticas) que usen regularmente o editor de fórmulas de OpenOffice, StarOffice e NeoOffice.

A aplicación está baixo a licenza GPL e está dispoñible tanto para GNU/Linux, Windows e Mac OS X. Os idiomas dispoñibles durante a súa execución polo de agora son o inglés, francés e o alemán. 

A extensión contén as guías de usuario e instalación en varios idiomas, e entre as súas características destacan a posibilidade de trazar curvas paramétricas e polares, creación de estatísticas, inserción de diagramas, inserción rápida de expresións matemáticas ademais da inclusión dunha completa galería de obxectos xeométricos.

Lista de correo para as empresas de mancomun.org

Mailman

Mancomun.org vén de habilitar unha lista de correo orientada ás empresas. Nesta lista as empresas poderán recibir e enviar información de interese relacionada co Software Libre coma convocatorias públicas, ofertas e demandas de servizos e produtos, novidades tecnolóxicas para as PEME e terán un espazo de intercambio ao redor do Software Libre. A lista está pensada para empresas de todo tipo, non só aquelas relacionadas coas novas tecnoloxías. Recordamos que tamén existe unha lista para enviar e recibir ofertas laborais relacionadas co Software Libre.

España participa na creación dun observatorio de software libre para a UE

O servizo, chamado “Open Source Observatory and Repository” (OSOR), conta cun presuposto duns 3,5 millones de euros e está baseado nun portal que permitirá ás administracións públicas europeas almacenar e compartir o software libre que producen, así como intercambiar recursos e coñecemento.

O proxecto  tamén pretende crear  un repositorio que almacenará non so código fonte e aplicacións listas para o seu uso, senón tamén documentación sobre elas, información sobre licenzas de software libre e material sobre a contratación de servizos relacionados co software libre.

Máis información:  http://www.vnunet.es/Actualidad/Noticias/Infraestructuras/Software/20070108048

Aberto o prazo de inscripción para a Conferencia Internacional de Software Libre 3.0

Os interesados en participar na Conferencia Internacional de Software Libre 3.0, que se celebrará en Badaxoz os días 7, 8 e 9 de febreiro do 2007, poderán inscribirse ata o 15 de xaneiro a través da web oficial da Conferencia, na dirección: http://www.freesoftwareworldconference.com

Calquera especialista que o desexe pode presentar a súa comunicación para participar na Conferencia enviando os abstracts dos traballos que desexe expoñer á dirección de correo electrónico papers@freesoftwareworldconference.com.

 

Fonte: http://www.lavanguardia.es/gen/20070103/51298800443/noticias/abierto-el-plazo-de-inscripcion-para-la-conferencia-internacional-de-software-libre-3.0-internet-extremadura-andalucia-merida.html 

Os creadores de Second Life liberan parte do seu código

Linden, empresa creadora do simulador social Second Life, vén de anunciar que liberará o código do programa cliente do xogo baixo licenza GPLv2. A empresa afirma no seu blog que deste xeito “abraza o inevitable” e que posibilita a creación de diversos mundos de Second Life interconectados entre si e en continuo cambio. Linden comunicou que é a decisión máis importante que tomou nestes últimos sete anos e está motivada pola necesidade de que o proxecto medre a gran velocidade.
 

AUDI elixe Linux

Audi DesignA compañía automobilística alemá AUDI está a punto de completar un largo proceso de migración, iniciado no 2001, que levará  a que no 2007 tódolos servidores utilizados para tarefas de deseño e simulación se executen baixo GNU/Linux. O proceso de migración afecta tamén ás estacións de traballo…

A India pode vivir sen Microsoft

O goberno do estado de Tamil Nadu na India tomou a decisión de migrar o 99% dos seus sistemas Windows a solucións Open Source, algo que farán durante este 2007. Na entrevista co diario Deccan Chronicle, Mr. C. Umashankar, director executivo da empresa propiedade do estado indio Electronics Corporation of Tamil Nadu (ELCOT) que está a cargo do proxecto, afirmou que non precisa a Microsoft.

Pin It on Pinterest