Actualidade

Liberada a primeira alfa de Mandriva 2007

Logo de mandrivaAcaba de ser liberada a primeira versión alfa da distribución Mandriva do ano 2007, coñecida polo nome clave “Frige ”. Esta versión distribúese en forma dun CD combinado live/install, o que permite testar a nova distribución sen ter que instalar nada no noso sistema. As betas posteriores liberaranse en forma de CD live (Mandriva One) ou na clásica versión de tres CDs co instalador completo.

Obradoiro de cultura libre en Barcelona

Do 24 ao 28 de xullo, 7 membros do grupo basileiro “Estudio Livre“, impartirán un obradoiro enfocado á creación e difusión de contidos mediante a utilización de hardware e Software Libre. Está aberto a todos aqueles que traballan no ámbito da creación audiovisual. O último día (venres 28 de xullo) haberá unha presentación/actuación vía streaming: http://giss.hackitectura.net/hangar/.

Reutilización de ordenadores antigos con terminais lixeiros no concello de Zaragoza

O Centro Municipal de Informática do concello de Zaragoza realizou un proxecto de reutilización de ordenadores antigos nos centros cívicos destinados a persoas maiores. Utilizouse terminais lixeiros (ThinClients) baseados en pxes correndo GNU/Linux.

Xa está dispoñible o OpenOffice.org 2.0.3 en galego para GNU/Linux

http://www.mancomun.org/images/468-x-60.png
“Mancomun.org – Iniciativa galega polo Software Libre” presenta a versión 2.0.3 do paquete ofimático OpenOffice.org para GNU/Linux. Este software inclúe, entre outras cousas, un potente procesador de textos, folla de cálculo, base de datos, un programa para facer presentacións, debuxos, etc. Ademais, implementa o estándar ofimático [[OpenDocument]] aprobado recentemente pola ISO.

Entrevista ao Conselleiro de Innovación e Industria na "Gaceta Tecnológica"

O número de xullo-agosto da “Gaceta Tecnológica” inclúe unha entrevista a Fernando Blanco, Conselleiro de Innovación e Industria e impulsor da estratexia do Goberno galego en materia de Software Libre e tecnoloxías abertas. Fernando Blanco comenta que “as nosas estratexias baséanse nun modelo de traballo colaborativo, deben ser abertas e, sobre todo, deben producir produtos estándares e de calidade”. Ademais, o Conselleiro afirmou que “cremos nas vantaxes do Software Libre nos diferentes ámbitos da sociedade galega”. Na Web da “Gaceta Tecnológica” pódese ler a entrevista completa .

Dispoñibles as presentacións das Xornadas INEO: Software Libre como oportunidade de negocio

Logo INEO Xa se poden descargar as presentacións que fixeron os relatores das I Xornadas sobre Software Libre como oportunidade de negocio, celebradas en Vigo o pasado 13 de xullo, pola asociación multisectorial das novas tecnoloxías da información e da comunicación, INEO.

Pin It on Pinterest