Actualidade

O Software Libre axuda a reducir os custos operativos das empresas

Segundo o estudo realizado por Forrester Consulting para Unisys entre empresas estadounidense e europeas que avaliaron ou empregan xa software de código aberto, o devandito software produce suficientes beneficios nas actividades empresariais como para o empregar en aplicacións determinantes para o negocio, en áreas tan importantes como o control de ingresos e a mellora do servizo a clientes.

A maioría dos enquisados no estudo tamén usan o código aberto en aplicacións determinantes para os obxectivos, mais amosan certa preocupación sobre a falta de dispoñibilidade de servizos que liberen o potencial que este código ofrece. Os participantes da enquisa ven o software de código aberto capaz de ofrecer importantes vantaxes, sobre todo, ao reducir os custos operativos globais da empresa.

Charla sobre accesibilidade na Facultade de Informática da Coruña

Universidade da CoruñaDentro do ciclo de conferencias da Facultade de Informática da Coruña onte tivo lugar unha charla de Juan Buño sobre accesibilidade de persoas cegas ao computador. Farase unha aproximación práctica a estas tecnoloxías tanto para Windows como para GNU/Linux. Buño é instrutor tiflotécnico da ONCE e usuario cego de diversas tiflotecnoloxías. Ademais colabora activamente en diversos proxectos relacionados coa accesibilidade para cegos.

A charla está organizada por David Cabrero, profesor de Interfaces de Usuario na Universidade da Coruña, que leva a cabo un proxecto de investigación, desenvolvemento e adaptación de Software Libre para melloras na accesibilidade grazas a un convenio con Mancomun.org. 

Comprobador de formato OpenDocument

http://www.mancomun.org/images/stories/odf.png A xente de opendocumentfellowship.org, creou un validador que comproba que o documento que seleccionamos teño un formato coincidente coas especificacións do ODF (OpenDocument Format).

O servizo de validación ODF pódese atopar na seguinte ligazón:
http://opendocumentfellowship.org/validator

Moi útil para a xente que traballe con este tipo de documentos e queiran saber si realmente o documento cumpre cos estándares, xa que hai infinidade de aplicacións que o implementan:
http://en.wikipedia.org/wiki/OpenDocument_software#Current_support 

Mancomun.org e a Rede de Dinamización ofrecerán formación en SW Libre para a PEME e usuarios

Rede DinamizaciónMancomun.org e a Rede de Dinamización da Sociedade da Información en Galiza, dependente da Dirección Xeral de Promoción Industrial e Sociedade da Información, ofrecerán máis de 1.700 horas de formación en Software Libre a pequenas e medianas empresas e usuarios en xeral ao longo deste ano. O obxectivo é mellorar a produtividade empresarial e diminuír a fenda dixital a través de ferramentas consolidadas, libres e en galego.
 
Os contidos que se desenvolverán nestes cursos serán liberados baixo licenza Creative Commons e postos a disposición de todos no portal Mancomun.org.  A Rede de Dinamización da Sociedade da Información, repartida por toda Galicia, será a encargada de canalizar toda esta formación.

A UDC faise mirror oficial de apache

A UDC (Universidade da Coruña) fai un mirror dos principais proxectos de Software Libre no seu ftp: ftp://ftp.udc.es (tamén accesible a través do enderezo web: http://ftp.udc.es). Nel poderá atopar os proxectos máis coñecidos de Software Libre, tales como apache, debian, fedora, gentoo, openbsd, ubuntu etc.

Un mirror ou espello é un servidor secundario cunha copia sincronizada do proxecto orixinal, que permite quitar traballo ao servidor principal e ao permitir que os usuarios máis próximos á localización do servidor poidan baixarse o software ou os ficheiros do proxecto.

Libre Streaming, Libre Software, Libre Standards

http://www.mancomun.org/images/stories/ls3.png(LS)³ – Libre Streaming, Libre Software e Libre Standards (Open Media Streaming Project) é un proxecto en Software Libre para o desenvolvemento dunha plataforma para streaming de contidos multimedia. A plataforma está deseñada para soportar por completo o estándar IETF para transporte de datos en tempo real sobre IP. O obxectivo do proxecto é prover unha solución aberta, libre e interoperable coas aplicacións de streaming privativas existentes que na actualidade dominan o mercado.

Moglen:"Microsoft non ten nada que facer contra Linux"

O máximo responsable da revisión da licenza pública xeral GPL, Eben Moglen, afirmou que os intentos de Microsoft por gañar casos de patentes contra aqueles que usan o códico aberto non chegarán a ningures e todo isto grazas ao acordo entre Novell e a propia Microsoft.

Desde Microsoft afirman que Linux infrinxe máis de 240 patentes e tentarán basearse niso para convencer os usuarios de que lles paguen por esas licenzas. Hai xa uns meses, Novell pagou un diñeiral para liberar os seus usuarios de SUSE Linux de seren atacados legalmente por motivo destes temas.

Aquí é onde reside o problema: os privilexios para non seren demandados non teñen data de caducidade, de modo que poden empregarse para indemnizar os seus posuidores tanto no día de hoxe como no vindeiro ano. Mais a versión 3 da licenza pública xeral, que se completará antes de rematar o presente ano, inclúe unha cláusula que fai que esta «exoneración» de pagar indemnizacións por licenzas sexa extensible dunha persoa a todas as demais.

A versión 3 da licenza pública xeral di o seguinte: “Se, segundo o acordado ou en conexión cunha transacción ou acordo, transmite ou propaga unha obra, e con iso inclúe unha licenza de patentes que permite a liberdade do seu uso, propagación, modificación e transmisión dunha copia específica dese traballo a calquera das partes que reciban esa obra, entón a licenza de patente que inclúe é extensible de forma automática a todos os receptores da obra cuberta e das obras que dela se derivaren”.

SUSE migrará a a versión 3 da licenza pública xeral antes de que remate o ano, o cal significa que, ao ter este tipo de licenzas por parte de Microsoft, calquera que use calquera versión de Linux e que empregue a GPL estará exento de ameazas legais.

Moglen dixo que a cláusula se incluíu na GPL intencionadamente ante este tipo de situacións. “O noso obxectivo, noutras palabras, era o de engadir unha capa máis de defensa ante as agresións de patentes de Microsoft”, comentou nun seminario.

Fonte:

http://es.theinquirer.net/2007/05/21/moglen_microsoft_no_tiene_nada.html

http://uk.theinquirer.net/?article=39737

O "OLPC" implantouse xa en Uruguai e aos nenos ensinaráselles Linux

O ambicioso proxecto sen ánimo de lucro “One Laptop Per Children” (OLPC), que comezou no ano 2005 Nicholas Negroponte, daquela director do laboratorio de medios do Instituto Tecnolóxico de Massachusetts, por fin é unha realidade en Uruguai. Os nenos están tomando contacto cos computadores en principio con xogos, procesadores de texto e múltiplos libros no idioma local. Máis adiante, ensinaráselles o sistema operativo GNU/Linux xa que estas máquinas operan coa distribución Fedora Linux. ..

Axudas do IGAPE para programas de innovación da PEME

O Instituto Galego de Promoción Económica vén de facer públicas as súas axudas Programa de Apoio á Innovación das Pequenas e Medianas Empresas (Programa Innoempresa) que inclúen a posibilidade de adquirir e adaptar software por parte das empresas e dos organismos intermedios empresariais. O prazo para solicitar estas axudas remata o día 16 de xullo.

Pin It on Pinterest