Actualidade

Un total de 542 resultado(s) para Empresa

Contidos Dixitais adaptará Dokeos para as institucións responsables da Seguridade Social

Logo DokeosA Tesourería Xeral da Seguridade Social (TGSS) mailo Instituto Nacional da Seguridade Social (INSS), lanzarán a finais deste mes de abril unha plataforma de teleformación baseada en Dokeos. Contará co asesoramento da empresa galega Contidos Dixitais nos aspectos formativos e tecnolóxicos así como na personalización da plataforma. A través do campus virtual o TGSS e o INSS esperan ofrecer contidos de calidade a máis de 2.500 alumnos.
 

IGALIA presenta o seu Premio aos Proxectos Fin de Carreira con Software Libre

Igalia, empresa de enxeñería de software dedicada ao Software Libre, rematou a presentación do seu Premio ó Mellor Proxecto Fin de Carreira con Software Libre polas universidades galegas cun acto celebrado hoxe na Escola Técnica Superior de Enxeñería da Universidade de Santiago. O galardón busca incentivar o emprego do Software Libre nos premios fin de carreira dos estudantes universitarios. O gañador recibirá 1.000 €.

A empresa galega Igalia participa nunha iniciativa internacional para desenvolver Gnome para móbile

GnomeIgalia, empresa galega con sede na Coruña, participa na iniciativa internacional GNOME Mobile & Embedded Initiative (GMAE) orientada a desenvolver Gnome para dispositivos móbiles. Conforman a GMAE empresas e institucións coma ACCESS, Canonical, Debian, Imendio, Intel, Nokia, OLPC, OpenedHand ou Red Hat. Segundo o director de Gnome a iniciativa permitirá aos desenvolvedores non só crear un gran software embebido e móbil senón que dará liberdade para prever e crear novos dispositivos para mercados por nacer. 

Axudas do IGAPE para empresas desenvolvedoras de código aberto

O Instituto Galego de Promoción Económica (IGAPE) vén de publicar unhas axudas para empresas desenvolvedoras de código aberto. Subvencionaranse proxectos propostos por empresas de desenvolvemento de software ou solucións software “encastradas”, en código aberto dirixidos á mellora da produtividade e a introducir as TIC na PEME. 
 
Os proxectos deberán contar coa participación inicial de polo menos 5 PEME galegas determinadas, que permitan o ensaio e adaptación da aplicación, coa vantaxe de seren usuarios de xeito gratuíto da solución adaptada. Unha vez acadado o obxectivo de ensaio: adaptación final en polo menos esas cinco PEME, o proxecto establecerá un compromiso de cesión e adaptación gratuíta en polo menos 10 PEME galegas máis. O prazo para presentar solicitudes remata o día 31 de maio.

Premio ao Mellor Proxecto de Fin de Carreira en Software Libre

Igalia, empresa galega de Software Libre, convoca o Premio ao Mellor Proxecto Fin de Carreira (PFC) con Software Libre 2007, que xorde para fomentar o acercamento e coñecemento dos universitarios galegos sobre o Software Libre e promover o emprego de calidade baseado nas tecnoloxías da información e da comunicacion. O obxectivo é que moitos dos PFC que se presentan cada ano nas diferentes escolas e facultades de Galicia sexan desenvolvidos como Software Libre, premiando ao mellor deles con 1.000 € e a difusión pública do mesmo.

O período de inscrición vai dende o 31 de marzo ata o 31 de outubro de 2007, podendo participar calquera estudante dunha universidade galega que defenda o seu PFC cunha nota mínima de 5.0 nalgunha das convocatorias entre marzo e outubro do presente ano. Na iniciativa, colaboran as 3 universidades galegas e Mancomun.org.

Oferta de emprego de Igalia

Igalia, Free Software Engineering , é unha empresa cooperativista e de estrutura plana que ofrece servizos en torno ao Software Libre formada por máis de 25 enxeñeiros en informática cunha elevada capacitación técnica. Igalia necesita medrar e quere ampliar o seu persoal. A empresa busca persoas con alta capacitación técnica en Software Libre, con titulación académica relacionada coa enxeñaría e/ou o software e bo nivel de inglés. Tedes máis información na sección Work with us da súa web.

Cursos de Software Libre da Confederación de Empresarios de Pontevedra

A Confederación de Empresarios de Pontevedra ofrece dende a súa web varios cursos relacionados co mundo do Software Libre:
 
 
O único requisito para poder asistir a estos cursos é ser traballador en activo.
Pódese votar un vistazo á lista de cursos e inscribirse nos mesmos desde aquí.

Premio Software Libre de Eganet

EganetEGANET, asociación de Empresas Galegas Adicadas a Internet e ás Novas Tecnoloxías, convoca a IV edición dos seus premios anuais para  estimular o labor de creación dos empresarios e profesionais que, sentíndose comprometidos coa expansión da Sociedade da Información en Galicia, deseñan, programan e desenvolven produtos e servizos que teñen en internet e as novas tecnoloxías da información a súa razón de ser.
 
Destaca a existencia dun galardón para o Software Libre. Premiarase nesta categoría o uso e a difusión de tecnoloxías de código aberto tanto por parte de empresas privadas coma de administracións públicas, considerándose especialmente a contribución de tal uso ás comunidades opensource e galega. 
 

Oferta de emprego: Analista/Programador PHP para Wireless Galicia

A empresa Wireless Galicia precisa un Analista/Programador PHP con experiencia en contornas LAMP para a súa oficina de Vigo. Requírese a titulación de Enxeñería Técnica ou Superior de Enxeñería informática (aínda que son aceptadas outras titulacións se se acredita posuír os coñecementos demandados), ter dous anos de experiencia en PHP (coma mínimo 2 anos),  experiencia en  Subversion(control de versións), Smarty e no uso dos repositorios PEAR e SourceForge .
 
Podes recibir ofertas de emprego coma esta subscribíndote á nosa lista de ofertas de emprego de Software Libre.
 
Pax. 52 de 55« Primeiro...102030...5051525354...Último »

Pin It on Pinterest