Actualidade

Reportaxe en Todo-Linux sobre a Rede de Administracións Públicas para o Software Libre

A revista Todo Linux do mes de xullo ven de publicar unha completa reportaxe sobre a Rede de Cooperación Internacional de Administracións Públicas para o Software Libre. O artigo inclúe unha entrevista ao coordinador da iniciativa, Marcelo Branco, así como unha descrición das actividades da Rede e os seus proxectos inmediatos.
 

O Cluster INEO analiza o Software Libre coma modelo de éxito empresarial

INEO , asociación multisectorial das novas tecnoloxías da información e da comunicación, organiza unha xornada en Vigo sobre o Software Libre e as súas repercusións no eido empresarial.

A xornada centrarase en aspectos relacionados co Open Source. Neste marco, exporanse casos de experiencias exitosas, así como tamén modelos de negocios posibles baseados en plataformas de Software Libre.

Curso de Deseño Gráfico e Retoque Fotográfico organizado polo Concello de Rianxo

O Concello de Rianxo, xunto coa Fundación Universidade da Coruña organizan un curso de deseño gráfico e retoque fotográfico usando ferramentas libres, en concreto o [[GIMP]].

O curso é de iniciación, polo que non é necesaria experiencia previa en aplicacións gráficas, pero si un manexo básico da informática…

III Obradoiro de Criptografía, Seguridade e Privacidade

gpul O Grupo de Programadores e Usuarios de Linux (GPUL) organiza o III Obradoiro de Criptografía, Seguridade e Privacidade, que terá lugar o día 13 de xullo na Facultade de Informática da Universidade da Coruña. Nesta terceira edición do Obradoiro, como novidade, extendemos os contidos a materias afíns á criptografía, e que veñen a complementar unha visión máis global (e tamén práctica) da seguridade da información…

I Xornada de Tecnoloxías Web e Software Libre

Gpul logo O Grupo de Programadores e Usuarios de Linux (GPUL) organiza a I Xornada sobre Tecnoloxías Web e Software Libre, que terá lugar o día 12 de xullo na Facultade de Informática na Universidade da Coruña. O obxectivo desta xornada é dar unha visión detallada das últimas tendencias en tecnoloxías web (WEB 2.0, AJAX, accesibilidade, CSS, XForms) dende o punto de vista do Software Libre. Nestas xornadas contaremos con relatores de GPUL, da UDC, do [[World Wide Web Consortium]], de Trabe Soluciones e desenvolvedores do proxecto [[Firefox]]. A asistencia é totalmente gratuita, aínda que é preciso preinscribirse na páxina web da xornada, onde tamén se pode atopar o programa completo.

Pin It on Pinterest