Actualidade

Un total de 520 resultado(s) para Empresa

AINFOGRA.com. Software Libre para o eido rural

AinfograAinfogra preséntase coma un proxecto dirixido a introducir o Software Libre no mundo rural a través da difusión, formación e desenvolvemento de software destinado á xestión integral de explotacións agrarias.

O proxecto conta co cofinanciamento da Consellería de Innovación e Industria a través da Dirección Xeral de Promoción Industrial e Sociedade da Información e vaise desenvolver durante os anos 2006 e 2007. 

Curso "Implantación e aplicación de Software Libre no contexto empresarial" en Ferrol

A “Confederación de Empresarios de Ferrol” organiza un curso totalmente gratuíto para dar a coñecer as vantaxes da implementación de Software Libre na empresa.

O curso que se chamará “Implantación e aplicación de Software Libre no contexto empresarial” constará dun total de 100 horas e terá lugar en Ferrol entre as datas do 2 de novembro ata o 29 de novembro. O proceso de inscrición no curso xa está aberto e o número de prazas son un total de 15, dispoñibles tanto a persoas empregadas como desempregadas…

Lambdastream é distinguida por un sistema de vídeo baixo demanda que funciona sobre GNU/Linux

A empresa coruñesa Lambdastream foi seleccionada como unha das 16 mellores empresas de nova creación. Lambdastream forma parte da selección das mellores Start-ups de España elaborada polo Foro Neotec.

O proxecto estrela de Lambdastream é o VoDKA (Video on Demand Kernel Architecture) un sistema de vídeo baixo demanda. Este sistema, recentemente vendido á federación de televisións rusa, corre sobre GNU/Linux como sistema preferente aínda que tamén funciona en Solaris e Digital UNIX. Ademais a maior parte das ferramentas de desenvolvemento, ofimática e deseño gráfico empregadas pola compañía son Software Libre.

O Foro Neotec é un evento, promovido polo Centro para o Desenvolvemento Tecnolóxico e Industrial (CDTI) do Ministerio de Industria que se celebrará o día 7 de novembro en Valencia.

O directorio de empresas de Software Libre xa conta con máis de 30 empresas

O directorio de PEME de Software Libre de Galiza xa conta con máis de 30 empresas rexistradas. Cada vez son máis as compañías que ofrecen produtos e servizos de software libre aos seus clientes e a súa actividade é un piar fundamental para o desenvolvemento e mantemento da tecnoloxía aberta.

Dende a concepción do proxecto Mancomun.org considerouse como imprescindible a constitución dunha masa crítica de empresas que poidan ofrecer ás PEME e á administración unha oferta sólida e permanente de solucións de Software Libre. O obxectivo do directorio é que os clientes poidan localizar no mercado galego as mellores solucións baixo estándares abertos.   

Nova listaxe de empresas de Software Libre no "Libro Blanco"

Libro Blanco A Web do “Libro Blanco del Software Libre” acaba de publicar unha nova listaxe de empresas, a nivel estatal, que teñen o Software Libre na súa liña de negocio. Dende a súa páxina pódese acceder a un formulario que permite filtrar e ordenar por localidade, autonomía, ámbito de operación, nome, etc. Tamén é posible rexistrar empresas de forma anónima e obter as empresas vía RSS (todas), coas súas actualizacións.
 
Fonte.- Libro Blanco  

Dispoñibles as presentacións das Xornadas INEO: Software Libre como oportunidade de negocio

Logo INEO Xa se poden descargar as presentacións que fixeron os relatores das I Xornadas sobre Software Libre como oportunidade de negocio, celebradas en Vigo o pasado 13 de xullo, pola asociación multisectorial das novas tecnoloxías da información e da comunicación, INEO.

Xornada de INEO sobre o Software Libre coma modelo de éxito empresarial

A xornada centrarase nos aspectos empresariais relacionados co [[Open Source]] e tentará achegar experiencias exitosas aos asistentes e modelos de negocio posibles. A xornada está orientada a empresarios e profesionais das novas tecnoloxías e terá lugar o xoves 13 de xullo ás 17 horas no auditorio da Zona Franca de Vigo.
Pax. 51 de 52« Primeiro...102030...4849505152

Pin It on Pinterest