Actualidade

Un total de 592 resultado(s) para educacion

Curso de OpenOffice.org no concello de Boiro

A Rede de Dinamización organiza un curso da suite ofimática OpenOffice.org (folla de cálculo, procesador de textos e presentación de diapositivas) no concello de Boiro, comarca do Barbanza. O curso ten unha duración de 15 horas, comezará o día 5 de xuño e está orientado á poboación en xeral.

O curso celebrarase na aula que a deputación ten neste concello en horario de 10:00 á 11.30…

A consellería de Educación aposta polo SwL para o aproveitamento das TIC nos centros de ensino

Chan do monteA conselleira de Educación, Laura Sánchez Piñón, vén de manifestar a aposta decidida do seu departamento polo uso do Software Libre, ao tempo que destacou a relevancia que estas supoñen para un mellor aproveitamento das tecnoloxías da información e da comunicación (TIC) nos centros de ensino.

Sánchez Piñón tamén fixo alusión á contratación por concurso público dos contratos de actualización e mellora dos sistemas informáticos da seu departamento e dos que xa deu conta anteriormente Mancomún. Estas contratacións repercutirán nun mellor aproveitamento dos equipos informáticos, tanto nos servizos centrais da consellería como nos centros educativos galegos.

Estas declaracións facíaas a conselleira durante a visita que, o pasado 22 de maio, realizou ao IES Chan do Monte en Marín (Pontevedra).

A Universidade da Laguna presta portátiles ao alumnado totalmente configurados con Software Libre

A Universidade da Laguna, a través do servizo de biblioteca, ofrece noventa portátiles, en préstamo, ao alumnado.

Este proxecto desenvolveuse coa colaboración da Oficina de Software Libre, equipando en todos os portátiles Bardinux, a distribución GNU/Linux da ULL baseada en Kubuntu e toda unha colección de software libre de uso xeral, axudando así á difusión entre o alumnado do software libre en xeral.

Este servizo continúa coa política de difusión de software libre da Universidade da Laguna que ten outro referente na aula de acceso libre para os alumnos con 100 postos informáticos equipados integramente con software libre…

Convocatoria de premios a recursos educativos en SwL

No DOG de onte, 21/05/08, saíu publicada a segunda convocatoria dos Premios a recursos educativos para a Sociedade da Información 2008, que organizan conxuntamente as consellarías de Innovación e Industria e de Educación e Ordenación Universitaria.
 
O obxectivo destes premios é a promoción da creación e divulgación de contidos dixitais de calidade na rede, o impulso do coñecemento do Software Libre por parte da comunidade educativa e o recoñecemento e valoración do esforzo do profesorado na adopción das tecnoloxías da información e da comunicación no seu traballo cotián.

AGNIX dará un relatorio de SwL no IES San Rosendo de Mondoñedo

http://www.mancomun.org/images/stories/agnix_150.jpgVisto na páxina de AGNIX:
“O vindeiro xoves día 15 dentro das iniciativas de actividades promovidas pola Rede de Dinamización da Sociedade da Información, AGNIX desenvolverá un relatorio en Mondoñedo, co que se tentará achegar ao alumnado de 4º de ESO e 1º de bacharelato o significado de Software Libre así como a importancia do seu emprego xeneralizado, xunto cas posibilidades que pon ao alcance de tod@s para a aparición e fomento da lingua nas novas ferramentas tecnolóxicas”.

Curso da ferramenta de deseño vectorial Inkscape

Interesante curso sobre a aplicación de deseño vectorial Inkscape. Trátase dun curso elaborado por un profesor de debuxo de Educación Secundaria para impartir a asignatura de Tecnoloxía da información: deseño asistido por ordenador de segundo de bacharelato de Artes.

Ao curso chamoulle Inkscape: logo a logo pois a aprendizaxe do uso desta aplicación vaina desenvolvendo ao tempo que explica como se poden facer unha serie de logos máis ou menos coñecidos. É dicir, fai un curso cunha aproximación máis didáctica, pensando no aplicación práctica, que descritiva das distintas funcións do Inkscape.

Finalistas do II Concurso Universitario de SL e fase final o 8 e 9 de maio en Sevilla

O II Concurso Universitario de Software Libre xa ten finalistas e datas para a fase final. En concreto os finalistas son os seguintes:http://www.mancomun.org/images/stories/iiconcurso_uni_final.jpg

  • Minirok, de Adeodato Simó da Universidade de Alicante. [blogue][Código]
  • Zenphp, de Juan Belón Pérez da Universidade de Granada. [blogue][Código]
  • R4P de Luis Alberto Pérez García e Luis Ignacio Díaz del Dedo da Universidade Europea de Madrid. [blogue][Código]
  • xmleye de Antonio García Domínguez da Universidad de Cádiz. [blogue][Código]
  • Pigmeo de Adrián Bulnes Parra da Universidad de Oviedo.
    [blogue][Código]
  • Psychosynth de Juan Pedro Bolívar Puente da Universidad de Granada.
    [blogue][Código]

Comezou a Ubuntu Open Week

http://www.mancomun.org/images/stories/ubuntu-openweekl.pngA Ubuntu Open Week é un evento que ten lugar en Internet, nunha canle IRC onde se imparten titoriais que cobren diversos temas todos arredor de como contribuír ao desenvolvemento de Ubuntu.

Ubuntu Open Week comezou o 28 de abril e rematará o 3 de maio. Pódese seguir o evento a través da seguinte canle do IRC #ubuntu-classroom. A axenda do evento está dispoñible na seguinte ligazón: Axenda de Ubuntu Open Week.

Para poder desfrutar deste evento debes usar o teu cliente de IRC (como xchat, irssi ou mIRC) para conectarte á rede Freenode IRC en irc.freenode.net…

Cursos de OpenOffice.org para traballadores da administración pública da CIG

OpenofficeDurante este ano daranse varios cursos de Software Libre en diferentes puntos da xeografía galega orientados para traballadores da administración pública. Estes cursos están organizados pola Confederación Intersindical Galega (CIG).

Nestes cursos impartiranse algúns dos programas da suite ofimática do OpenOffice.org, nalgúns dos centros que ten por galicia (Compostela, Ferrol, A Mariña e Ourense).

Resolución do II concurso universitario de Software Libre da Universidade de Cádiz

O pasado venres 18 celebrouse a fase final do “Premio Local do II Concurso Universitario de Software Libre na Universidade de Cádiz.

A fase final, celebrada no Salón de Actos da Escola Superior de Enxeñaría de Cádiz comezou ás 12:00 coas presentacións dos proxectos por parte dos autores e rematou sobre a 13:30 coa entrega dos premios por parte do rector Diego Sales.

Os estudantes e proxectos galardoados foron os seguintes:

Pax. 50 de 60« Primeiro...102030...4849505152...60...Último »

Pin It on Pinterest