Actualidade

Un total de 514 resultado(s) para Empresa

Premio Software Libre de Eganet

EganetEGANET, asociación de Empresas Galegas Adicadas a Internet e ás Novas Tecnoloxías, convoca a IV edición dos seus premios anuais para  estimular o labor de creación dos empresarios e profesionais que, sentíndose comprometidos coa expansión da Sociedade da Información en Galicia, deseñan, programan e desenvolven produtos e servizos que teñen en internet e as novas tecnoloxías da información a súa razón de ser.
 
Destaca a existencia dun galardón para o Software Libre. Premiarase nesta categoría o uso e a difusión de tecnoloxías de código aberto tanto por parte de empresas privadas coma de administracións públicas, considerándose especialmente a contribución de tal uso ás comunidades opensource e galega. 
 

Oferta de emprego: Analista/Programador PHP para Wireless Galicia

A empresa Wireless Galicia precisa un Analista/Programador PHP con experiencia en contornas LAMP para a súa oficina de Vigo. Requírese a titulación de Enxeñería Técnica ou Superior de Enxeñería informática (aínda que son aceptadas outras titulacións se se acredita posuír os coñecementos demandados), ter dous anos de experiencia en PHP (coma mínimo 2 anos),  experiencia en  Subversion(control de versións), Smarty e no uso dos repositorios PEAR e SourceForge .
 
Podes recibir ofertas de emprego coma esta subscribíndote á nosa lista de ofertas de emprego de Software Libre.
 

Caja de Guadalajara leva GNU/Linux a todos os seus computadores

Os ordenadores dos 400 empregados e 130 oficinas de Caja de Guadalajara funcionarán dentro duns meses somentes con Software Libre. O cambio supuxo un aforro entre 900.000 e un millón de euros segundo a consultora Entel, que colaborou na transición cara GNU/Linux da caixa. O proxecto foi presentado esta mañá na terceira Conferencia Internacional de Software Libre que se está celebrando en Badajoz.

A entidade afirma ser a primeira de España en realizar esta aposta polo Software Libre…

Oferta de emprego para enxeñeiros informáticos de Igalia

Igalia, empresa da Coruña centrada en solucións de Software Libre, fixo pública unha oferta de emprego para tres titulados en Enxeñería Informática sen necesidade de experiencia previa para os seus equipos de tecnoloxía web, administración de sistemas e Gnome. Esta e outras ofertas de emprego relacionadas co Software Libre poderedes recibilas no voso correo a través da lista de emprego de Mancomun.org.

AINFOGRA.com. Software Libre para o eido rural

AinfograAinfogra preséntase coma un proxecto dirixido a introducir o Software Libre no mundo rural a través da difusión, formación e desenvolvemento de software destinado á xestión integral de explotacións agrarias.

O proxecto conta co cofinanciamento da Consellería de Innovación e Industria a través da Dirección Xeral de Promoción Industrial e Sociedade da Información e vaise desenvolver durante os anos 2006 e 2007. 

Curso "Implantación e aplicación de Software Libre no contexto empresarial" en Ferrol

A “Confederación de Empresarios de Ferrol” organiza un curso totalmente gratuíto para dar a coñecer as vantaxes da implementación de Software Libre na empresa.

O curso que se chamará “Implantación e aplicación de Software Libre no contexto empresarial” constará dun total de 100 horas e terá lugar en Ferrol entre as datas do 2 de novembro ata o 29 de novembro. O proceso de inscrición no curso xa está aberto e o número de prazas son un total de 15, dispoñibles tanto a persoas empregadas como desempregadas…

Lambdastream é distinguida por un sistema de vídeo baixo demanda que funciona sobre GNU/Linux

A empresa coruñesa Lambdastream foi seleccionada como unha das 16 mellores empresas de nova creación. Lambdastream forma parte da selección das mellores Start-ups de España elaborada polo Foro Neotec.

O proxecto estrela de Lambdastream é o VoDKA (Video on Demand Kernel Architecture) un sistema de vídeo baixo demanda. Este sistema, recentemente vendido á federación de televisións rusa, corre sobre GNU/Linux como sistema preferente aínda que tamén funciona en Solaris e Digital UNIX. Ademais a maior parte das ferramentas de desenvolvemento, ofimática e deseño gráfico empregadas pola compañía son Software Libre.

O Foro Neotec é un evento, promovido polo Centro para o Desenvolvemento Tecnolóxico e Industrial (CDTI) do Ministerio de Industria que se celebrará o día 7 de novembro en Valencia.

O directorio de empresas de Software Libre xa conta con máis de 30 empresas

O directorio de PEME de Software Libre de Galiza xa conta con máis de 30 empresas rexistradas. Cada vez son máis as compañías que ofrecen produtos e servizos de software libre aos seus clientes e a súa actividade é un piar fundamental para o desenvolvemento e mantemento da tecnoloxía aberta.

Dende a concepción do proxecto Mancomun.org considerouse como imprescindible a constitución dunha masa crítica de empresas que poidan ofrecer ás PEME e á administración unha oferta sólida e permanente de solucións de Software Libre. O obxectivo do directorio é que os clientes poidan localizar no mercado galego as mellores solucións baixo estándares abertos.   

Pax. 50 de 52« Primeiro...102030...4849505152

Pin It on Pinterest