Actualidade

Un total de 556 resultado(s) para Empresa

Informes con PhpReport e reprodutor Vagalume para Gnome e Maemo

A emprega Igalia acaba de publicar a última versión da documentación para a súa aplicación PHPReport 1.5. Esta versión de PHPReport inclúe novidades como internacionalización, novas páxinas de xestión/informes ou gráficas de datos melloradas. Os manuais de instalación, administración e guías de usuario están dispoñibles para a comunidade na seguinte ligazón: Descargas en Igalia. Tamén hai dispoñible unha demo online para probar a aplicación:
http://community.igalia.com/twiki/bin/view/PhpReport/WebDemo

Ademais, algúns dos membros de Igalia (Alberto García e Mario Sánchez) que desenvolveron a aplicación Vagalume, da que xa temos falado en Mancomún, veñen de estar presentes en California na cerimonia de entrega dos premios “Mobile Rules! Awards” xa que Vagalume era finalista na categoría de aplicacións multimedia. A mágoa foi que desta vez non conseguiron levarse o premio; premio que por certo se levou a aplicación MyStrands.

Constitúese a Asociación Madrileña de Empresas de Software Libre (SoLiMadrid)

O pasado mércores 26 de febreiro quedou constituída oficialmente a “Asociación Madrileña de Empresas de Software Libre (SoLiMadrid)”, ao igual que en Galicia se constituíu recentemente Agasol.

SoLiMadrid nace cos obxectivos de promocionar e divulgar o uso prioritario do Software Libre en xeral, e en especial, no ámbito das empresas e entidades públicas e privadas radicadas na Comunidade de Madrid; defender o uso de estándares abertos na implementación de calquera tecnoloxía; fomentar a investigación e desenvolvemento de tecnoloxías baseadas en Software Libre, …

Máis sobre Asolif, a Asociación Nacional de Empresas de Software Libre Federadas

O venres pasado naceu oficialmente a Asociación Nacional de Empresas de Software Libre Federas, que instalou a súa sede física en Almendralejo, Badajoz. O obxectivo desta asociación é fomentar a colaboración entre as distintas empresas de Software Libre e converterse nun “vehículo importante” para que todos os seus membros traballen en rede.

Asolif quere que todas aquelas asociacións empresariais que teñan dentro dos seus obxectivos ou na súa estratexia a difusión ou a promoción do uso do Software Libre formen parte desta asociación. Por este motivo, Asolif firmou un acordo co “CENATIC” para contribuír ao asociacionismo das empresas de Software Libre…

Ferramenta en Software Libre para calcular os custes dunha infraestrutura

TCO, en inglés “Total Cost of Ownership”, é un método para describir todos os custes asociados a unha infraestrutura. A pesar de ser un termo que xa apareceu na década dos 80, aínda non existe un método estándar para comparar dous TCO. Neste senso, a ferramenta TCO-Tool pode axudar.
 
TCO-Tool é unha ferramenta desenvolvida polo goberno suízo, que ten como principal obxectivo permitir o cálculo dun TCO, ademais da creación de modelos transparentes de calquera tipo de infraestrutura para poder comparar estes custes entre eles…

A AJE Lugo ofrece consultorías e auditorías gratuítas en SWL aos seus asociados

A “Asociación de Jóvenes Empresarios de la Provincia de Lugo” (AJELugo) agrupa entre os seus membros a emprendedores menores de 45 anos que apostaron por un proxecto empresarial de futuro. Así, e a través dun convenio firmado coa empresa “SCA Informática” ofrecen aos seus socios, entre outras máis cousas:

  • Consultoría gratuíta para desenvolvementos de aplicacións informáticas baseadas en Software Libre.
  • Auditoría gratuíta en valoracións de estados de sistemas, para melloralos en calidade técnica, custe económico e orientalos cara a GNU/Linux e o Software Libre…

Telefónica libera as API das súas aplicacións

Telefónica que o pasado mes de xullo inaugurou o Open Movil Forum, onde xa hai rexistrados uns 300 desenvolvedores, comezou a liberar progresivamente as API das súas aplicacións.

Por exemplo temos dispoñibles as API de alertas de SMS, a “Copiagenda ” ou outras dedicadas ao almacenamento de mensaxes. Estas aplicacións que eran hasta o de agora exclusivas para clientes de Telefónica, pasan a ser distribuídas con licenza Apache 2.0.

Ademais, xa hai máis de 20 proxectos desenvolvidos con estas API, como un sistema de axuda aos celíacos para saber si poden comer un ou outro produto concreto ou “Mibolsa” para seguir a evolución dun valor ou Open Jukebox que permite elixir as cancións dunha discoteca, etc…

Nova versión do DVD da PEME

Índice do DVD da PEME Vimos de publicar unha nova versión do DVD da PEME. Esta nova versión inclúe moitos máis programas localizados ao galego segundo a normativa oficial do 2003, corrixíronse erros detectados na versión anterior e actualizáronse as versións das distintas aplicacións.

Solicitamos a colaboración de todos vós para a revisión e mellora do produto. Agardamos as vosas suxestións, achegas, erros… a través do noso enderezo electrónico.

En breve faremos unha tirada grande deste DVD para poñer á vosa disposición. Polo momento podedes consultar o contido do DVD na dirección peme.mancomun.org .

Queremos agradecer especialmente o traballo voluntario e desinteresado levado a cabo por empresas, asociacións e persoas voluntarias galegas na tradución das distintas aplicacións. Grazas a todas estas persoas por adicar parte do seu tempo de ocio a colaborar ao espallamento do Software Libre e ao achegamento do galego ás TIC.

Dispoñibles os materiais das II Xornadas Sourcepyme

O pasado xoves 13 de Decembro tivo lugar a “II Xornada SOURCEPYME : Software libre na empresa. Modelos de negocio” en Paterna, Valencia. As xornadas tiveron moi boa acollida, e segundo os organizadores contaron coa asistencia de 350 empresas e un total de 10 relatores procedentes de diversos puntos da xeografía nacional.

O obxectivo das mesmas era presentar os resultados acadados nos dous primeiros anos de vida do proxecto Sourcepyme, así como presentar casos de éxito de implantación de Software Libre en empresas.

Durante o 2007 realizaron a ENQUISA SOURCEPYME 2007 a empresas provedoras de aplicacións e/ou servizos de Sw Libre e a empresas usuarias de Sw. Libre, da que presentaron os seus resultados.

Urco Editora: un proxecto editorial galego que aposta polo Software Libre e o Creative Commons

Urco Editora é un proxecto editorial galego de recente creación que aposta fortemente polo software e a cultura libre. Segundo afirma a empresa na súa páxina web todo o proceso de edición dos seus libros  (tradución, deseño, corrección e maquetación) faise exclusivamente baixo o entorno operativo GNU/Linux e con programas libres e de código aberto. 

Aparte do aforro en licenzas, un dos grandes motivos para adopción do Software Libre segundo os seus responsables é que o mundo editorial precisa dunha constante innovación e o Software Libre non só permite esta evolución constante senón que obriga a unha permanente renovación. 

OpenXpertya convértese no primeiro ERP libre en publicar o novo Plan Xeral Contable

OpenXpertyaVemos na páxina de http://www.ousli.org a seguinte nova sobre OpenXpertya, ERP en Software Libre que proximamente estará dispoñible en galego:

“O proxecto openXpertya xa dispón da adaptación ao novo Plan Xeral Contable. Tan só 10 días despois da súa publicación (o pasado día 20) no Boletín Oficial do Estado do Real Decreto 1514/2007 do 16 de Novembro polo que se aproba o novo Plan Xeral Contable, de acordo coas novas normas NIC/NIIF, que son de obrigatoria implantación a partir do día 1 de Xaneiro do 2.008.

No apartado de descargas está xa dispoñible devandita información, así como o plan de contas, listo para ser cargado nas versións 2.x de openXpertya.

Pax. 50 de 56« Primeiro...102030...4849505152...Último »

Pin It on Pinterest