Actualidade

Un total de 90 resultado(s) para breves

A próxima UbuCon Europa será en Xixón

Ubuntu ven de anunciar que o evento europeo anual de desenvolvedores e usuarios (UbuCon Europe) do ano próximo, celebrarase a finais de abril (xusto despois do lanzamento de Ubuntu 18.04 LTS) e será emprazado bastante preto, en Xixón.
Durante este evento haberá simultaneamente 2 conferencias e un obradoiro ao mesmo tempo, alén do tempo de conferencias, tamén se fará comunidade desfrutando do tempo de lecer en compañía de desenvolvedores, tradutores, deseñadores gráficos e usuarios mediante actividades turísticas.

Se che interesaría acudir ao evento deberás estar atenta á web do evento.

Obxectivos de KDE para 2018 e máis aló

O ano 2017 estase acabando e toca facer un balance e fixar obxectivos para o vindeiro ano.
Como non podía ser doutro xeito; a comunidade KDE, que desenvolve o entorno de escritorio Plasma; fixou os obxectivos para os vindeiros anos. En KDE primeiro recolleron as propostas da comunidade e posteriormente foron votadas; as que saíron este ano van na liña de mellorar a usabilidade e produtividade dos usuarios xerais, incrementar a privacidade dos usuarios e conseguir atraer novos contribuidores para a comunidade de KDE.

Podes ver a nova completa no blog de KDE.

Novas actualiacións de Debian

A distribución de GNU/Linux Debian, que é unha das máis veteranas, ven de publicar actualizacións de seguridade para as dúas versións que teñen soporte, jessie e stretch.

Para a súa versión stable (stretch) esta é a terceira actualización de seguridade, mentres que para a oldstable (jessie) é a décima. Se tes calquera destas versións da distribución Debian, podes realizar esta actualización de forma habitual co xestor de paquetes.

Podedes ver máis información nas novas de debian 9.3 e debian 8.10.

Nova versión de Mozilla Firefox

O popular navegador web Mozilla Firefox lanzou este mes de novembro unha nova versión estable, a 57, tamén coñecida como Firefox Quantum, a que incorpora unha chea de melloras.

A novidade máis destacada é que mudaron o motor de renderizado mellorando o rendemento e o consumo de RAM da aplicación considerablemente.

A equipa de Firefox tamén nos quixo dotar de novidades visuais nesta versión que conta cunha nova aparencia en todas as súas plataformas.

Podedes ver máis detalles das novidades introducidas nesta nova versión no blog de mozilla.

 

Nova versión de Linux Mint

A popular distribución Linux Mint, baseada en Ubuntu, ven de publicar unha nova versión, a 18.3.

Un xestor de software mellorado e adaptado aos novos tempos, soporte para paquetes de software flatpak, unha suite de backup mellorada xunto con un sistema de instantáneas da instalación, son das máis salientables novidades nesta nova release, que vai recibir soporte ata o ano 2021, sendo por tanto considerada unha LTS, do inglés Long Term Support. Está dispoñible para descarga aquí.

YakYak, cliente de escritorio para Google Hangouts

YakYak é un cliente de escritorio para empregar Google Hangouts.

Licenciado baixo a MIT, este cliente open source e multiplaforma premite empregar o popular servizo de Google con practicamente toda a súa funcionalidade. Intercambiar mensaxes, crear conversacións, recibir notificacións, gardado de histórico, etc.

VidCutter publica a súa versión 5.0.0

A ferramenta open source VidCutter ven de anunciar unha nova versión.

Entre as múltiples melloras, que se poden consultar integramente aquí, compre destacar as melloras na precisión de corte, novas barras de progreso nos clips na liña temporal, unha nova opción para ver os key frames e melloras no fluxo de corte rápido estándar.

Aquí poderemos atopar o código fonte e documentación, todo licenciado baixo a GPLv3.

Publicado WordPress 4.9 “Tipton”

A semana pasada publicábase unha nova versión do popular CMS WordPress. Ademais de melloras no código, melloras no fluxo de traballo a hora de deseñar e personalizar os nosos sitios, esta nova versión está totalmente traducido ao galego.

Licenciado baixo GPLv2, podemos descargalo directamente localizado ao galego aquí.

Nova versión de GNU Nano

O popular editor en liña de comandos nano ven de publicar unha nova versión, a 2.9.

Entre as máis salientables novidades, compre destacar unha, a capacidade de grabar e reproducir as nosas pulsacións de teclado.

Licenciado baixo a GPL, pódese descargar tanto no seu web como dos repositorios das principais distribucións.

Publicada Fedora 27

O día de onte recibiamos a boa nova da publicación dunha nova versión da popular distribución Fedora.

Nada como tal en 2003, logo de que o soporte para Red Hat Linux terminase, evolucionando dende un proxecto comunitario que poñía a disposición software adicional para Red Hat Linux, a versión 27 chega para que poidamos desfrutar de GNOME 3.26, LibreOffice 5.4, co cal poderemos firmar documentos empregando OpenGPG, Firefox 57 e Kernel Linux 4.13.9.

Pax. 5 de 9« Primeiro...34567...Último »

Pin It on Pinterest