Actualidade

Barcelona acollerá a 3ª conferencia internacional da GPLv3

Logo GPLV3 A terceira conferencia internacional sobre a GPLv3 terá lugar o 22 e 23 de xuño en Barcelona.

As conferencias internacionais sobre a GPLv3 forman parte dun longo ano de proceso de consulta pública para actualizar a GNU General Public License ([[GPL]]), a máis usada das licenzas libres de software. As anteriores conferencias tiveron lugar en USA e Brazil.

Unha constitución pro-software libre

Estevan González Pons, Conseller de Presidencia da Generalitat Valenciana e promotor e ex-Presidente da Comisión de Internet do Senado, fai unha interesante reflexión sobre se é posible atopar un apoio xurídico-constitucional en España para a promoción do Software Libre como expresión dos principios de liberdade e igualdade: “Una Constitución pro-software libre “.

Fonte: El País  

Corrección ortográfica no xestor de correo Thunderbird

Thunderbird Acabamos de crear unha extensión para o [[Thunderbird]] (xestor de correo da fundación [[Mozilla]]) versión 1.5, para poder instalar o corrector de galego do OpenOffice.org 2, así poderemos revisar a ortografía dos nosos e-mails dende o mesmo xestor de correo.
 
Aquí a ligazón para descargar a extensión: corrector para o thunderbird
 
Para a instalación do corrector, clicar co botón dereito do rato enriba da ligazón de descarga e premer en “Gardar como” e gardar o ficheiro.
 
Feito isto, abrimos o [[Thunderbird]] e pulsamos en “Ferramentas->Extensións->Instalar”, buscamos o ficheiro que acabamos de descargar e xa estará instalado.
 
** Nota (só para Linux/Unix):  Para versións do Thunderbird anteriores a 1.5, para instalar o diccionario, é necesario ser “root” na computadora.

Erros e correccións no OpenOffice.org en galego

Nesta primeira compilación do OpenOffice.org detectamos algúns problemas coa instalación en determinados sistemas operativos. Algúns erros xa están solucionados, outros aínda non, pero esperemos que en breve si que o estean, ademais de un novo paquete moito máis fácil de instalar.

Erro detectado e corrixido:

 – Non instala en Windows 98, Me e 2000. A mensaxe de erro é a seguinte: “El idioma de este paquete de instalación no está admitido por el sistema”.  Xa está arranxado e xa subimos os ficheiros sen ese erro ao servidor o pasado día 18. Para aqueles que están tendo problemas de instalación, por favor, volvede a descargar os ficheiros da instalación.

Erro detectado:

– Non instala nunha ruta diferente a “C:Archivos de programaOpenOffice.org 2.0” en Windows.  A mensaxe de erro é a seguinte: “Erro interno 2870. InstallChangeFolder, NewFolder, Crear novo cartafol”. Estamos revisando o paquete e esperemos que pronto se arranxe o problema.

Se detectades máis erros relacionados co OpenOffice, publicádeos nos foros.

mancomun.org

Xa se pode descargar a primeira película feita só con Software Libre

Elephants Dream“, a primeira película feita integramente en software libre xa está dispoñible para a súa descarga dende a web dos creadores do proxecto. Ademais distribúese baixo unha licenza [[creative commons]].
Se se quere contribuir ao proxecto, pódese encargar un DVD cun coste de 35 €  que inclúe a película en alta calidade, os subtítulos en 34 idiomas, o “making of” da  película, onde mostran o proceso de creación, e todos os arquivos fonte da mesma.

Xa se poden pedir CDs da nova distribución de Ubuntu

Xa se poden pedir os CDs da vindeira Ubuntu 6.06 (Dapper Drake) para recibilos gratis no enderezo que se indique. É preciso dispor dunha conta en Launchpad para facer as solicitudes.
Nesta ocasión, pódense pedir CDs de Ubuntu, Kubuntu e Edubuntu. Polo momento a cantidade limítana a 10 pero probablemente máis adiante eliminarán este límite como aconteceu en anteriores ocasións. 

Fonte: Agnix 
Pax. 490 de 502« Primeiro...102030...488489490491492...500...Último »

Pin It on Pinterest