Actualidade

Un total de 1808 resultado(s) para software

Torusware organiza unha xornada sobre Docker

Logo de dockerA empresa Torusware organiza, dentro do seu ciclo Torusware talks, un Docker Meetup. Trátase dun encontro no que falar e compartir experiencias sobre a tecnoloxía de contedores Docker.

As Torusware Talks teñen por obxectivo compartir relatorios e experiencias sobre tecnoloxías de interese de Torusware (Big Data, Containers/Docker, HPC, Linux, Performance, etc…) a fin de que sirvan de punto de encuontro de profesionais e estudantes interesados nesas tecnoloxías.

Guimarães acolle o 11 workshop de OpenFOAM

Os vindeiros días 26 ao 30 de xuño terá lugar o 11 Workshop de OpenFOAM® en Guimarães, Portugal, organizado polo IPC/i3N-Institute of Polymers and Composites da Universidade de Minho.

Banner do evento

Neste encontro, que se celebra dende o ano 2006, participan un gran número e usuarios e desenvolvedores, tanto do sector industrial como do académico, interesados na tecnoloxía OpenFOAM®, que actualmente cobre un amplo rango de aplicacións. A xornada está aberta a calquera sen restrición de orixe ou área de actividade.

A Amtega e a Consellería de Política Social publican no repositorio de software libre da Xunta o código fonte da ferramenta Inclúe

  • Esta aplicación facilita a valoración técnica das situacións de exclusión social con criterios homoxéneos mediante indicadores
  • A publicación en licenza libre facilita a súa reutilización por parte doutras administracións, así como a colaboración para a súa mellora
  • A liberación de aplicacións enmárcase nas medidas do Plan de acción en materia de software libre da Xunta

A Axencia para a Modernización Tecnolóxica de Galicia (Amtega), en colaboración coa Consellería de Política Social, acaba de publicar no repositorio de software libre da Xunta de Galicia o código fonte da ferramenta tecnolóxica INclúe baixo licenza libre.

Logo do proxecto INclúeEsta ferramenta é un dos resultados do proxecto que leva por nome “Proxecto INclúe: Innovación para a Inclusión Social” e no que participan como socias a Consellería de Política Social, a través da Dirección Xeral de Familia e Inclusión; a entidade de acción social Emáus Fundación Social; e a consultora tecnolóxica EOSA. O proxecto contou co apoio financeiro do Programa de Cidadanía Activa pertencente ao Mecanismo Financeiro do Espazo Económico Europeo (EEA) 2009-2014.

Un dos retos deste proxecto consistía en desenvolver unha ferramenta tecnolóxica que facilitase a valoración técnica das situacións de exclusión social con criterios homoxéneos, que puidesen ser aplicados polas entidades públicas e privadas que operan no ámbito da inclusión social en Galicia.

Agora, a Amtega e a Consellería de Política Social publican INclúe con licenza libre para que poida ser reutilizada noutras comunidades e mesmo que se cree unha comunidade de usuarios ao seu redor que permita mellorar a ferramenta.

Robótica para o fomento de vocacións tecnolóxicas

O mundo da robótica cada día está a ter maior presenza nas nosas vidas, máis alá dos robots industriais, hoxe en día é moi doado atoparse robots en ámbitos máis cotiáns e ao alcance de todos: robots que limpan os nosos pisos, cortan o noso céspede, e máis. Ou os avances dos coches sen condutor, os drones e outras tecnoloxías de transporte, que fan cada vez máis difusa a liña divisoria entre o que é un robot e o que é un vehículo.

Imaxe do robot R2 construído por Eduardo SantosTodo isto sen dúbida está contribuíndo a aumentar as inquedanzas e curiosidades por este mundo da robótica, que grazas ao software e hardware libre, é cada día máis asequible para os afeccionados. Xa non é preciso ser enxeñeiro eléctrico para desfrutar da robótica como hobbie e ademais, é posible empregar moitos proxectos neste ámbito como ferramentas para o ensino e fomento das vocacións tecnolóxicas, ou as denominadas STEM (Ciencias, Tecnoloxía, Enxeñería e Matemáticas).

Por mencionar un exemplo de recente actualidade, onte foi presentado no Gaiás ma xornada Cidadanía e coñecemento dixital, o proxecto de Eduardo Santos, alumno do IES David Buján de Cambre, quen tras ver na tele un programa sobre basura electrónica, e grazas á axuda de compañeiros de BricoLabs, construíu unha réplica do robot da guerra das galaxias R2D2. BricoLabs é unha asociación que fomenta o “constrúe ti mesmo”, empregando para elo a reciclaxe de aparatos en desuso así como o software e hardware libres.

Neste artigo recollemos algúns exemplos dos múltiples proxectos libres que existen no ámbito da robótica libre, tanto de hardware e software como en proxectos de simulación robótica.

Xeoposicionamento con OpenStreeMap

Logo de OSMOs días 26 e 27 de maio, a asociación Xeopesca, en colaboración coa aula CeMIT de Poio, impartirá un obradoiro sobre “XeoPosicionamento con OpenStreetMap”.

O obxectivo do obradoiro será introducir aos asistentes no funcionamento de OpenStreetMap, amosando como se realiza a localización e rexistro dos elementos a xeoposicionar e como incluílos en OSM. Se o tempo o permite, farase unha saída por Combarro realizando unha pequena ruta para comprobar que os elementos que xa están referenciados son correctos, actualizalos se é necesario ou rexistralos se non estivesen incluídos no mapa.

Máis do 84% das pemes galegas empregan Software Libre

  • Os programas libres con maior implantación son os navegadores de internet e as aplicacións ofimáticas
  • O crecemento do Software Libre nas empresas informáticas galegas continúa a súa escalada, incrementándose en 2 puntos no último ano e situándose no 86,7%
  • No último ano aumentou en máis de 7 puntos a porcentaxe de empresas informáticas, provedoras de solucións TIC, que venden Servidores web e Servidores de correo
  • Máis da metade das empresas informáticas galegas considera que a tendencia de software libre no mercado será expansiva

O uso do Software Libre nas empresas galegas de 10 ou máis traballadores sitúase no 84,9%, por riba doutras Comunidades Autónomas como Madrid, Cataluña ou o País Vasco. No caso das microempresas a porcentaxe de uso é menor, aínda que segue a incrementarse respecto a 2014, e acada o 52,1%.

Imaxe do resumo executivo do uso de software libre nas pemes TIC no 2015

En canto ás empresas informáticas galegas, o uso do Software Libre crece en 2 puntos respecto ao ano anterior e sitúase no 86,7%. Son datos recollidos nos dous estudos sobre “O uso de Software libre nas empresas e no sector TIC de Galicia. Ano 2015”, publicados hoxe polo Observatorio da Sociedade da Información e a Modernización de Galicia (OSIMGA), adscrito á Axencia para a Modernización Tecnolóxica de Galicia (Amtega). Estes estudos enmárcanse nas actuacións de impulso do Software libre que se establecen no Plan de Acción Software Libre anual que desenvolve a Amtega.

Seminarios sobre Big Data e cloud con software libre no CNTG

Imaxe do CNTG

O CNTG organiza durante o mes de maio diversos seminarios sobre Big Data e cloud baseados no uso de ferramentas libres. Así, o 12, 18 e 23 de maio respectivamente terán lugar nas súas instalacións os seminarios:

O acceso a calquera dos tres seminarios, é de balde e condicionado ao aforo do local, polo que se recomenda realizar a inscrición previa en liña a través do portal web do CNTG. O acceso para aquelas persoas NON inscritas estará condicionado á existencia de prazas libres o día de celebración do evento. A data límite de inscrición é o día antes de cada un dos seminarios.

As persoas interesadas en asistir a estes seminarios que non poidan desprazarse a Santiago, poden consultar na rede de aulas CeMIT, http://cemit.xunta.es, cal é a aula CeMIT máis próxima ao seu domicilio na que se vai emitir o evento e solicitar a súa participación vía videoconferencia.

A FIC acolle o sábado o Scratch Day organizado polo CPETIG

O vindeiro sábado 7 de maio a Facultade de Informática da Coruña (FIC) acolle o “Scratch Day” organizado polo Colexio Profesional de Enxeñaría Técnica en Informática (CPETIG) en colaboración coa propia FIC.

Imaxe da comunidade Scratch

O obxectivo deste evento é difundir os valores da programación informática entre os nenos e os seus pais. Diríxese fundamentalmente a rapazas e rapaces de entre 10 e 14 anos, que acompañados dun adulto, poderán compartir unha xornada aprendendo, profundando e divertíndose coa informática a través do contorno de programación Scratch.

O evento comezará cunha breve presentación e demostración de Scratch para pasar logo á parte totalmente práctica con dous obradoiros paralelos de programación con Scratch de nivel iniciación e nivel avanzado.

Ubuntu 16.04, a nova versión LTS, xa está dispoñible en galego

Ranking de idiomas na tradución de Ubuntu 16.04A semana pasada publicouse a nova versión de Ubuntu 16.04 (LTS), que terá mantemento e actualizacións durante 5 anos. Dende o proxecto Trasno, infórmannos que esta nova versión está dispoñible ao 93% na nosa lingua.

Aínda que poida parecer unha cifra baixa, comparada co 100% doutras versións, compre aclarar que as estatísticas de tradución agora recollen tanto software do ambiente de escritorio coma do novo sistema móbil polo que o 100% de nivel de tradución non estivo desta volta ao alcance de ningún idioma, nin sequera para a mínima adaptación do inglés británico.

Novos videotitoriais de MiniNo PicarOS

Logo de PicarOSO equipo de desenvolvemento de MiniNo e o seu sabor para cativos PicarOs, achégannos información sobre as últimas novidades do seu traballo. Concretamente sobre a publicación de novos videotitoriais sobre PicarOs e sobre a participación nas Xornada de boas prácticas docentes 2016 en Tudela, Navarra.

Así mesmo estarán tamén presentes na próxima xornada que organiza AGASOL o vindeiro 30 de abril, Libreteo, da que vos falamos hai uns días.

Así infórmannos da publicación de oito novos videotitoriais de uso de PicarOs, que deesta volta van adicados á edición gráfica, presentando solucións para actividades útiles para a educación primaria. Os novos vídeos dispoñibles son:

Pax. 30 de 181« Primeiro...1020...2829303132...405060...Último »

Pin It on Pinterest