Actualidade

Un total de 542 resultado(s) para Empresa

Catálogo de Produtos e Servizos TIC baseados en software libre

Portada do catálogo de produtos e servizos flossA pasada semana, coincidindo coa presentación do plan de acción FLOSS para o ano 2011, a SXMIT e AGASOL fixeron público o Catálogo de Produtos e Servizos TIC baseados en software libre co obxectivo de achegarlle ao sector empresarial de Galicia unha ferramenta de gran utilidade tanto para coñecer que produtos e servizos de software libre son os que mellor poden resolver as súas necesidades tecnolóxicas concretas, como que empresas galegas teñen a capacitación e experiencia suficientes para levar a cabo a súa implantación.

Deste xeito, o Catálogo non só achega unha simplificación da sempre complexa tarefa de investigación sobre solucións tecnolóxicas, senón que tamén fornece unha canle para fortalecer os lazos entre as empresas TIC galegas e o resto do noso tecido empresarial.

Presentado o Plan de acción FLOSS 2011 xunto co balance do ano 2010 no acto de adhesión ao padroado de CENATIC

Esta mañá a Secretaria Xeral de Modernización e Innovación Tecnolóxica, Mar Pereira e o subdirector xeral de Infraestruturas e Telecomunicacións, Adrián Lence, presentaron o Plan de acción floss para o ano 2011 nunha xuntanza cos principais axentes do sector Floss galego no que tamén se fixo balance das accións realizadas en 2010 e se formalizou a adhesión ao Centro Nacional de Referencia de Aplicación das Tecnoloxías da Información e da Comunicación.

O Plan de Software Libre 2011 da Xunta ten como obxectivo prioritario impulsar o uso do software libre no sector empresarial e na sociedade en xeral, en colaboración cos principais axentes do ecosistema FLOSS de Galicia como son as asociacións galegas de usuarios e empresas de software libre ou as tres universidades galegas. Ademais a Xunta continuará tomando decisións estratéxicas para desenvolver proxectos de calado baseados en software libre. Iniciativas tan importantes como o desenvolvemento da Administración electrónica ou a integración das TIC na Educación a través do proxecto Abalar.

Publicado o estudo comparativo de plataformas de comercio electrónico baseadas en software libre

comparativa de plataformas de comercio electrónico baseadas en software libreA Secretaría Xeral de Modernización e Innovación Tecnolóxica fai público hoxe un estudo cunha comparativa de plataformas de comercio electrónico baseadas en software libre, elaborado pola Oficina de Coordinación FLOSS.

Trátase dun dos compromisos recollidos no Plan de Acción 2010 no que se establecía que a Oficina de Coordinación FLOSS encargaríase da realización de estudos tecnolóxicos e funcionais sobre solucións empresariais orientadas as empresas con presencia en Galicia, focalizándose no máis adecuado para o tecido non TIC local.

Este primeiro estudo titulado “Comparativa de plataformas de comercio electrónico baseadas en software libre” trata de dar resposta á necesidade detectada de mellorar a presencia en Internet das empresas galegas e poñer en valor as diferentes plataformas FLOSS de comercio electrónico para a venta de produtos e servizos a través da rede.

AGASOL presentou onte NavalPlan, unha ferramenta galega de planificación de proxectos e pedidos

Logo de NavalPlanOnte, AGASOL, da man da empresa Igalia, presentou o aplicativo NavalPlan ao empresariado galego no Centro On de Santiago de Compostela.

Trátase dunha ferramenta web de planificación especialmente útil para calquera tipo de empresas cun fluxo de traballo que requira a xestión, planificación e control de proxectos e pedidos.

NavalPlan é un aplicativo web de software libre para a xestión de proxectos cuxo desenvolvemento comezou hai máis de ano e medio como un proxecto financiado pola Fundación para a Fomento da Calidade Industrial e o Desenvolvemento Tecnolóxico de Galicia para o desenvolvemento dun sistema de xestión da produción na industria auxiliar do sector naval de Galicia, de aí o seu nome, con ferramentas de código aberto. O resultado deste proxecto foi NavalPlan que grazas a publicarse cunha licenza AGPL conta cunha comunidade de desenvolvedores en crecemento.

Novos servizos no portal Mancomún

Todos os usuarios do portal Mancomún tedes dende hoxe a posibilidade de darvos de alta no portal e obter así acceso a unha serie de servizos integrados, isto é, poderedes acceder a eles autenticándovos unha única vez co voso nome de usuario e contrasinal.

Nunha primeira fase ofrecémosvos acceso integrado e centralizado aos seguintes servizos:Acceso aos servizos integrados de Mancomún

  • wiki.mancomun.org
  • Laboratorio de Mancomún
  • O meu portal

Tecnoloxía galega para axudar na loita contra o spam

Logo do grupo de investigación SINGO grupo SING (Sistemas Informáticos de Nueva Generación) da Universidade de Vigo en colaboración coa empresa galega Ultreia, desenvolveron un proxecto conxunto para a optimización de filtros intelixentes antispam. Logo de Ultreia Comunicaciones

Neste proxecto, parcialmente financiado pola Xunta de Galicia, desenvolveron un banco para a optimización da configuración de filtros baseados en SpamAssasintm para unha colección dada de mensaxes, ao que bautizaron co nome de Grindstone 4 Spam e que publican baixo a licenza libre GPL.

Grindstone for Spam1.0 é unha ferramenta lixeira de fontes abertas, deseñada para axudar no desenvolvemento de filtros baseados en SpamAssasin e mellorar o seu rendemento. É o resultado dun proxecto de I+D de 30 meses de duración, durante os que se analizaron máis de 10 millóns de mensaxes de correo electrónico, estudáronse a evolución e cambios nas estratexias de envío de mensaxes por parte de spammers e o impacto que os métodos de aprendizaxe teñen sobre a eficacia de SpamAssassin.

Actualización da información do proxecto OpebJob de Asolif

Hoxe remata o prazo para inscribirse no programa OpenJob promovido por ASOLIF en colaboración de INASFO2 e o Ministerio de Traballo, do que xa informamos esta semana.

Complementando a información ao respecto do mesmo, cómpre aclara que se trata dun Programa Activo de Formación e Emprego, co obxectivo da contratación de, cando menos, o 60% dos participantes con avaliación positiva de cada un dos cursos, en postos de traballo relacionados con el sector das TIC.

O curso está dirixido a persoas en situación de desemprego con coñecementos orientados á informática, preferentemente programación, das titulacións:

  • Formación Profesional, Enxeñerías Técnicas o Superior en especialidade Informática o u Telecomunicacións
  • Outros estudios asimilables o equivalentes.
  • Sen titulación ou doutras titulacións non relacionadas coa informática para o que se valorará a experiencia profesional no ámbito da programación e desenvolvemento informático .

Ao finalizar o curso, o alumnado será capaz de planificar e implementar solucións corporativas de software libre en organizacións privadas e públicas, así como colaborar no deseño, construción e mantemento de sistemas informáticos e proxectos de software, utilizando software libre. 

O programa do curso é o seguinte:

b-Link, software para controlar o computador cos ollos

Logo do aplicativo B-Link"b-Link" é un aplicativo baseado nunha tecnoloxía revolucionaria que permite que as persoas con discapacidades físicas poidan empregar o computador simplemente abrindo e pechando os seus ollos. O aplicativo distribúese de forma gratuíta en http://b-link.sourceforge.net/ , onde está dispoñible o código fonte, xa que segundo indican os seus desenvolvedores, “está baseado en software de fontes abertas para garantir que poida continuar a ser desenvolvido e mellorado pola comunidade internacional”. Actualmente o aplicativo só está dispoñible para o sistema operativo Windows.

"b-link" foi desenvolvido conxuntamente pola Universidade Técnica de Lodz e Orange Labs Poland a raíz dun desenvolvemento iniciado por Aleksandra Królak , unha estudante polaca de doutoramento en informática de 29 anos.

Aleksandra Królak traballaba na súa tese doutoral para o desenvolvemento dun algoritmo que detectase os pestanexos. Ao ver a película A escafandra e a bolboreta, sobre a historia real dun home afectado por unha parálise logo dun accidente, que podía mover só un ollo e comunicábase coa súa enfermeira pestanexando mentres ela lía o alfabeto, pensou en desenvolver un aplicativo para o computador que substituíse á enfermeira.

"Primeiro redactei un programa para detectar o pestanexo mediante unha webcam. E entón pensei: por que non engadir un teclado na pantalla que fose resaltando as letras unha despois doutra?", di Królak.

Diego Darriba, gañador da IV edición do premio ao mellor proxecto de fin de carreira con software libre

O pasado Venres 10 de decembro tivo lugar na sede de Igalia, a clausura dos IV premios ao mellor proxecto fin de carreira con software libre, organizados por Igalia e co patrocinio de CENATIC.

Gañadores da Iv edición do premio ao mellor PFC con SwL Gañadores da Iv edición do premio ao mellor PFC con SwL

O xurado estivo conformado por representantes das facultades e escolas de informática e telecomunicacións das universidades galegas:

  • Alberto Valderruten Vidal, da Facultade de Informática da UDC
  • Raúl Rodríguez Rubio, da Escola Técnica Superior de Enxeñeiros de Telecomunicación da UVI
  • Francisco Javier Rodríguez, da Escola Superior de Enxeñería Informática da UVI
  • David López Vilariño da Escola Técnica Superior de Enxeñaría da USC
  • Roberto Vieito en representación da Oficina de Coordinación FLOSS da Xunta de Galicia
  • Jacobo Aragunde e Alberto García por parte de Igalia.

Os Premios EGANET 2010 abren o prazo de presentación de candidaturas.

A Asociación de Empresas Galegas Adicadas a Internet e ás Novas Tecnoloxías (EGANET) convoca unha nova edición dos seus premios, que xa van pola súa VII edición. Estes premios recoñecen o labor de profesionais e empresas galegas que traballan con tesón, calidade e con alto nivel competitivo no desenvolvemento do sector TIC e da Sociedade da Información en Galicia.

Premios EGANET 2010Con esta iniciativa EGANET quere promocionar e servir de plataforma de lanzamento para os proxectos realizados de xeito íntegro por empresas galegas dando a coñecer a tódolos sectores da sociedade galega os resultado do traballo das empresas galegas no ámbito das TIC.

O prazo de presentación das candidaturas está xa aberto ata o vindeiro día 10 de decembro.

Pax. 30 de 55« Primeiro...1020...2829303132...4050...Último »

Pin It on Pinterest