Actualidade

Un total de 585 resultado(s) para Educación

Curso de verán sobre Ferramentas de Seguridade en GNU/Linux na Universidade de Vigo

A Vicerreitoría do Campus de Ourense da Universidade de Vigo organiza entre os seus cursos de verán o curso Ferramentas de Seguridade en GNU/Linux dirixido polos profesores Francisco José Ribadas Pena e Víctor Manuel Darriba Bilbao cos seguintes obxectivos:

  • Difundir os principios básicos da seguridade nos sistemas e dar a coñecer as principais ameazas existentes.
  • Mostrar dun xeito práctico os mecanismos básicos para implantar medidas de seguridade efectivas.
  • Iniciar aos alumnos na administración segura de equipos, redes e servizos baseados en software libre.
  • Promocionar o uso do software libre e presentar as ferramentas de seguridade dispoñibles nos sistemas GNU/Linux.
  • Analizar paso a paso exemplos reais de instalación, configuración e uso de ferramentas de seguridade típicas en contornos GNU/Linux.

O curso celebrarase entre o 21 e o 25 de xuño de 2010 no Edificio Politécnico do Campus de Ourense e terá unha duración de 30 horas convalidables por 2 créditos de libre configuración ou 1 ECTS.

A asociación Ghandalf convoca dúas bolsas para proxectos de fin de carreira en SwL

Logo de Ghandalf A Asociación GHANDALF fai unha convocatoria aberta para a concesión de dúas Bolsas a estudantes universitarios de disciplinas técnicas relacionadas co Software (Enxeñería Informática, Telecomunicacións, Industriais e relacionados) para que no seu Proxecto Fin de Carreira (PFC) desenvolvan sistemas/aplicativos en software libre e/ou aporte valor técnico ao ecosistema FLOSS.

A concesión da bolsa inclúe:

  • por unha banda o apoio e titorización por parte dos membros de Ghandalf para axudar a resolver as dúbidas respecto do software libre en xeral, da forma de traballo en comunidade, licenciamento, propiedade intelectual, uso de ferramentas habituais no desenvolvemento dun proxecto libre … Este acompañamento ou titorización poderá ser presencial, en función da dispoñibilidade tanto do bolseiro como do titor, e en remoto.
  • Por outra banda, a maiores deste asesoramento e titorización a bolsa tamén inclúe unha pequena achega económica, a modo de incentivo, de 200€.

O CNTG realizará probas de certificación dirixidas a profesionais do sector TIC entre o 15 e o 17 de xuño

  • Preto do 77% dos cursos impartidos polo CNTG no período comprendido entre setembro de 2009 e xuño de 2010 ofreceron aos alumnos a posibilidade de realizar un exame gratuíto de certificación.
  • Un total de 537 profesionais TIC da nosa comunidade accederán a estas probas de certificación entre a quenda de Xaneiro e a de Xuño, beneficiándose deste valor engadido das accións formativas do CNTG da Dirección Xeral de Formación e Colocación.
  • Algo máis do 47% destes alumnos accederon a probas de certificación en tecnoloxías FLOSS ou metodoloxías empregadas en proxectos FLOSS.

Durante o ano formativo en curso, o CNTG convocou dous períodos certificadores masivos, un en xaneiro, para aqueles cursos impartidos no cuarto trimestre de 2009, e outro a celebrar entre o 15 e o 17 de xuño, para aquelas accións formativas desenvolvidas no primeiro e segundo trimestre de 2010.

Unha certificación profesional ou técnica dun fabricante ou organización, certifica a total capacitación e pleno dominio dunha versión dun produto ou metodoloxía por parte dun profesional TIC. Estas certificacións validan unha formación e experiencia e posúen alto grao de recoñecemento no sector. Mentres que os temarios e contidos son deseñados polo fabricante ou organización en particular, os exames de certificación realízanos entidades certificadoras independentes, circunstancia esta que supón unha garantía sobre a calidade do resultado final e permite proxectar a nivel internacional a validez e homologación de certificacións.

En total, foron 537 alumnos que accederon de xeito gratuíto a probas de certificación TIC e que se beneficiarán deste valor engadido das accións formativas do CNTG da Dirección Xeral de Formación e Colocación. Desta cifra total, 180 alumnos asistiron ás xornadas de xaneiro, 312 profesionais están convocados para as próximas deste mes e 45 alumnos participaron noutras xornadas de certificación a maiores destes dous procesos masivos.

Publicados os resultados do II Fiadeiro de Localización e o gañador do premio Máis e mellor

Logo da OSL da USC Dende a OSL da USC infórmannos da publicación dos resultados obtidos do II Fiadeiro de localización de software libre.

Como vos informamos no seu día, un dos obxectivos principais deste fiadeiro eran impulsar a comunidade universitaria de localización ao galego de software libre ofrecendo formación técnica e práctica de xeito que ao tempo se contribuíra a dispoñer do software que se use na USC en galego, mediante os procesos de localización.

Oito novos aplicativos dispoñibles en galego

Aínda que a organización prevía inicialmente localizar ata16 pequenos aplicativos, finalmente ao contar só con sete asistentes cunhas competencias en galego, inglés e informática heteroxéneas, a lista viuse reducida a oito aplicativos. Estes aplicativos localizados estarán á disposición de calquera que teña instalado Ubuntu-USC no seu ordenador, xa que coa vindeira actualización automática hánselle instalar estas ferramentas, dalgunha das cales xa podemos visualizar a súa interface en galego. Posto que as traducións se enviaro aos proxectos orixinais, a medida que o resto de distribucións fagan actualizacións dos paquetes de idioma tamén estarán estes aplicativos dispoñibles en galego.

O CREA libera en MORFEO o seu material de formación de Administración de Sistemas GNU/Linux

Logo do CREA O Centro de Referencia para a Excelencia en Contornos Abertos (CREA), iniciativa impulsada por FORMAN, consorcio-escola da Consellería de Emprego da Junta de Andalucía, súmase á Comunidade Morfeo e libera un curso de Administración de Sistemas GNU/Linux. Este material pasa a formar parte dos máis de 15 cursos actualmente dispoñibles dentro da comunidade de formación Morfeo. Estes poden atoparse en aula morfeo.

A iniciativa encádrase dentro das actividades do proxecto Morfeo Formación e de CREA, e busca a construción dunha rede formativa onde os materiais sexan accesibles baixo licenzas libres para fomentar a súa mellora e reutilización, sen deixar de lado a súa explotación comercial por parte dos membros da Comunidade Morfeo.

Novos fascículos tecnolóxicos sobre OpenOffice

Continuando co seu obxectivo de contribuír a achegar as tecnoloxías libres á cidadanía, como punto de partida para poder seguir divulgando este concepto en posteriores accións de comunicación para que o seu uso sexa verdadeiramente coñecido, CENATIC vén de poñer a disposición do público 3 novos fascículos tecnolóxicos que complementan aos catro publicados ata a data, dos que xa informamos no pasado mes de marzo.

Estes novos fascículos son:

Cada fascículo está publicado baixo licenza Creative Commons (Recoñecento-NonCormercial-CompartirIgual 2.5 España), sendo o autor orixinal de cada obra o que aparece xunto ao título.

Igalia oferta prácticas en empresa para o verán 2010

Igalia Igalia, empresa galega de Software Libre, ofrece por noveno ano consecutivo a posibilidade de que alumnado da Enxeñería Informática ou Enxeñerías Técnicas en Informática, con máis do 50% dos créditos superados, poida realizar prácticas nesta empresa durante o verán de 2010 tanto nas súas instalacións de A Coruña como nas de Pontevedra.

As condicións das prácticas ofertadas son:

  • Un total de 350 horas cunha planificación flexible de 5 a 8 horas diarias durante os meses de xullo, agosto e setembro.
  • 325 horas traballando nun proxecto de Software Libre e 25 horas para redactar a memoria.
  • Axuda económica de 1.500 €.

IV Xornadas de Software Libre no FP Caixanova

Cartel da IV xornada de SwL no FP Caixanova

Un ano máis, OUSLI volve organizar, e xa por cuarta vez, a Xornada de Software Libre no FP de Caixanova en Ourense. Terá lugar o vindeiro venres 14 de maio de 8:30 a 15:00 horas no centro de FP Caixanova de Ourense situado en Finca Sevilla Nº2, ao lado de Expourense.

A xornada está aberta ao público. Ten como finalidade a formación no eido das novas tecnoloxías no software libre e a difusión do mesmo. 

O programa das xornadas é o seguinte:

  • 8:30-9:30 – Técnicas antispam con SpamAssasin.  Poñente: Jose Ramón Méndez Reboredo, fundador de OUSLI.
  • 9:30-10:10 – Mirror de OUSLI: mirror.ousli.org Poñente: David Martínez Carballo, CEO de Openhost e fundador de OUSLI.
  • 10:10-11:00 – Achegamento ao Software Libre  Poñente: Roberto Brenlla, CKO de TEGNIX e Presidente de AGASOL.
  • 11:30-12:20 – Licenzas e Modelos de negocio.  Poñente: Roberto Brenlla, CKO de TEGNIX e Presidente de AGASOL .
  • 12:40-13:50 – Taller: "Creación de Live CDs automatizadas". Poñente: Fran Diéguez, membro de GLUG e da OSL-USC.
  • 13:50-15:00 – Taller: "Introdución a AJAX con PHP". Poñente: Cesar Osorio, da USC

IV Edición do Premio ao mellor PFC con software libre

Un ano máis, dende Igalia anuncian unha nova edición do “Premio ao mellor Proxecto Fin de Carreira con Software Libre”. Como vén sendo habitual dende a primeira edición, as universidades galegas continúan a dar soporte á iniciativa, dado o gran interese desde o punto de vista educativo que ten o proxecto. O apoio da Xunta de Galicia a través dos servizos de Mancomún tamén se mantén este ano, o que confirma a aposta das institucións Galegas adicadas ao fomento da tecnoloxía.

Pero ademais para esta nova edición contan con novos colaboradores, salientando a
axuda recibida por parte do CENATIC, centro de referencia na difusión e apoio ao Software Libre a nivel estatal.

Dende Igalia consideran que o proxecto xa atinxiu un nivel de madureza importante, e xa pode considerarse como unha vía estable para o desenvolvemento dos proxectos dos estudantes, o nivel de aceptación da iniciativa entre o colectivo de profesores nas Universidades e Escolas Técnicas é o adecuado e a mellor forma de chegar aos alumnos é falar con eles directamente.

Novo curso de formación en SwL e estándares abertos para directivas de ANPA da provincia de Pontevedra

Dende GALPon nos informan que continúan co seu plan de formación para as ANPA no curso 2009/10 en colaboración con FANPA PONTEVEDRA.

Nesta ocasión, coa colaboración das ANPA de Vilagarcía organízase un novo curso de software libre e estándares abertos.

O curso terá lugar o vindeiro 15 de maio de 2010, de 10:00 a 14:00 horas e de 16:00 a 20:00 horas, no Centro Sociocultural San Roque (grupo San Roque, ao pé da rotonda das Carolinas).

Os contidos a impartir son os seguintes:

  • Sesión de mañá: Procesador de texto, folla de cálculo e elaboración de presentacións con OpenOffice.org.
  • Sesión de tarde: Elaboración de presentacións, xestión de correo e mensaxería instantánea.
Pax. 30 de 59« Primeiro...1020...2829303132...4050...Último »

Pin It on Pinterest