Actualidade

Presentación da Maker Faire de Galicia

Maker Faire de GaliciaO pasado día 6 de Setembro a concelleira de Turismo do concello de Santiago fixo a presentación oficial da Maker Faire de Galicia.

En outubro de 2015 celebrouse a primeira Maker Faire da historia de Galicia en Santiago de Compostela, no centro comercial Área Central. Desta volta, a Maker Faire de Galicia celebrarase os días 1 e 2 de outubro no Palacio de Congresos.

A Compostela Maker Faire convértese neste ano, na súa segunda edición, na Maker Faire Galicia, co obxectivo de, como xa comentabamos en Xullo, converterse nun evento anual que sirva de punto de encontro para a comunidade creadora, potenciando unha Galicia innovadora e colaborativa.

Incentivos para Open Data na Educación en Irlanda do Norte

Logo do departamento de finanzas de Irlanda do NorteFacémonos eco dunha nova recentemente enlazada no Observatorio Europeo do programa para a Interoperabilidade de Solucións para as Administracións Públicas. O chamado Desafío OpenDataNI e unha iniciativa do estado de Irlanda do Norte para promover o uso de estándares abertos na consolidación de ferramentas que empreguen os datos publicados polo OpenDataNI.

O OpenDataNI é unha iniciativa do goberno norteirlandés para promover e mellorar as capacidades dixitais non só a través do empuxe das administracións do goberno senón tamén a través da implicación das compañías locais, o que pode ser o equivalente ao Plan de Inclusión Dixital de Galicia encadrado a nivel europeo na Estratexia “Europa 2020” .

MutualiTIC, unha nova ferramenta de xestión de recursos TIC vai ser liberada en Francia como software libre

Interface de MutualiTICDende Francia chéganos un novo caso de liberación de software orientado á xestión municipal. Neste caso trátase da ferramenta denominada MutualiTIC, que desenvolveu Cogitis, un provedor de servizos TIC, para a administración francesa.

Esta ferramenta permite monitorizar os recursos TIC, ofrecendo un panel de control orientado á xestión municipal de ditos recursos, facilitando a súa monitorización e control.

Publicado o Boletín de Reutilización de Software Libre nas Administracións Públicas deste mes de Setembro

Xa está publicado o número 26 do Boletín de Reutilización de Software Libre nas Administracións Públicas correspondente a este mes de setembro.

Logo MongoDBO proxecto destacado este mes é o sistema de xestión de bases de datos MongoDB. Un sistema non SQL e non baseado en táboas senón orientado a documentos, estilo JSON, que fai que sexa máis sinxelo manexar grandes volumes de información. Esta ferramenta popularizouse co fenómeno Big Data e emprégase como peza angular sobre a que se constrúen solucións para Smart Cities, como é o caso da cidade de Chicago que aparece destacada no boletín.

A cidade de Berna planifica a migración a Open Source

Logotipo de BernaA capital suiza estuda desprenderse da dependencia con software privativo. Recentemente aprobou o proxecto de conversión a software de código aberto.

A iniciativa saíu adiante por ampla maioría, contará con presuposto próximo ao millón de euros e será auditada externamente. A Swiss Open Systems User Group, unha asociación independente para a promoción de sistemas abertos suiza, valora esta medida da cidade de Berna como algo moi positivo.

Publicada a nova versión distribuible de Inside

Logotipo CTT

InSide é un sistema para a xestión de documentos e expedientes electrónicos que cumpre os requisitos para que ambos poidan almacenarse e obterse segundo o Esquema Nacional de Interoperabilidade. Supón a xestión documental integramente electrónica dos documentos na xestión viva do expediente, como paso previo ao arquivado definitivo da documentación nun formato interoperable e duradeiro.

PyDay Galicia 2016

Logotipo PyDay 2016 GaliciaO PyDay é un evento organizado polas comunidades locais de Python ao longo de toda España. Celébrase de xeito simultáneo durante a semana do 12 ao 18 de Setembro nas distintas cidades de España. Aquí en Galicia e desde o grupo de Python Vigo, en colaboración coa Asociación GHANDALF, organizaranse charlas durante o día 17 e talleres os días previos.

MaruOS é agora software libre

Logotipo de MaruOSA intención de MaruOS é capturar e empaquetar toda a experiencia de escritorio nun smartphone aproveitando as capacidades hardware dos dispositivos actuais.

Con MaruOS, un dispositivo telefónico, sen maiores particularidades cas de calquera outro smartphone, transforma o seu uso, case que pola súa totalidade, cando se lle conecta unha pantalla HDMI, converténdose nun completo sistema Linux/Debian de escritorio. A idea de MaruOS é unificar os conceptos de ordenador e teléfono persoal.

Nova sección de entrevistas a gañadores do Premio ao Mellor Proxecto Universitario con Licenza Libre

Banner do PremioCo fin de potenciar a participación no Premio ao Mellor Proxecto Universitario con Licenza Libre, vimos de crear unha nova sección na páxina do mesmo chamada Entrevistas aos gañadores.

Nesta nova sección publicaranse, de xeito periódico, entrevistas coas galardoadas e galardoados das pasadas edicións, para que nos conten de primeira man que supuxo para eles este premio, coñecer se a súa traxectoria xa profesional segue ligada dalgún xeito ao software libre, ou escoitar as súas recomendacións ás alumnas e alumnos que se vaian a presentar a esta nova edición.

A LibreCon 2016 máis preto

Logotipo da LibreConEste Novembro terá lugar en Bilbao o 6º congreso nacional de Software Libre e Coñecemento Aberto, LibreCon 2016. A cita estará centrada nesta ocasión nos retos da Industria 4.0, así como nos novos usos de software libre no sector financeiro. Dende Mancomún, xa fixemos eco do seu chamamento para a participación o pasado mes de Xuño.

A capital vizcaína acollerá entre os días 22 e 23 de Novembro o congreso que aglutinará máis de 120 ponencias e 600 empresas. Espérase que á cita acudan máis de 1500 persoas.

Pax. 30 de 502« Primeiro...1020...2829303132...405060...Último »

Pin It on Pinterest